Артём Здунов – велеть виияфнеманц колга: «Карматама работама!»

Артём Здунов – велеть виияфнеманц колга: «Карматама работама!»

20 июльста Республикань Кудса етась Общероссийскяй народнай фронтть «Село. Территория развития» проектть круглай шранц заседанияц. Эсонза участия примасть Мордовиянь Оцюнять аф лама пингс тевонзон тиендисна Артём Здунов; ОНФ-ть центральнай штабонц членоц, «Село. Территория развития» пректть координатороц, велень од ломанень Российскяй союзть председателец Юлия Оглоблина; ОНФ-ть центральнай штабонц членоц, РФ-нь Торгово-промышленнай палатать президентоц Сергей Катырин, а стане жа – ВКС-нь режимса – федеральнай министерствань, странань агропромышленнай секторонь, научнай сообществань, общественнай организациянь представительхне.

 Велень территориятнень колга темась – фкя инь оцю значения мархтось и мялень шарфтомань вешись кода федеральнай, стане и региональнай уровеньца. Юлия Оглоблина азсь тяфтама цифрат: 2008 кизоста сявомок 2021 кизоти молемс велеста тусть 2 миллионда лама ломанць. Велень населениять лувксоц странаса 2021 кизонь 1 январти арась 36,9 миллион ломань. Тяка пингть велень территориятнень и аграрнай производствать виияфнемаснон коряс федеральнай программатне аф педа пес решандакшнесазь велень населениять миграциянц кирьфтаманц коряс задачать. «Программатнень эса аш мероприятият, конатнень эзда ащи велеса трудонь рынкать виияфнемац, аф коммерческяй секторть и местнай сообществатнень виияфнемасна. Велеса трудонь рынкать виияфнемац – тя башка задача, кона сотнеф велень од экономмикать пуроптоманц эрявиксшинц мархта», - азозе сон.

 Мордовиянь Оцюнять аф лама пингс тевонзон тиендисна китькстазе: штоба ломаттне лядондольхть велеса, важна аф аньцек виияфнемс инфраструктурать – ломанть должен улемс возможностец мумс мяльс коре тев. «Конешна, велень населениять миграциянц мархта прябала ули, сяс эряви работамс комплекснайста, - мярьгсь Артём Здунов. – Эряви эрьгавста участвондамс госпрограмматнень эса, тяконь лувксса «Земский доктор» и «Земский учитель» программаса, панчсемс рабочай вастт, виияфнемс народнай промыслатнень и ремеслатнень. Карматама работама!»

 Россиянь Торогово-промышленнай палатать президентоц Сергей Катырин азозе, што велень территориятнень виияфнемасна – тя марстонь задача – сембе министерстватнень, аф аньцек Минсельхозть, а федеральнай торгово-промышленнай палатась анок сотрудничендамс коллеганзон мархта велеть виияфнемаса.

 Заседаниять пингста корхтафоль велень населениять экономическяй активностенц и занятостенц касфнеманкса мератнень колга.

 Велень территориятнень виияфнемаснон коряс предложения мархта выступандасть странань разнай региононь представительхне, тяконь лувксса «Од веле» Мордовскяй региональнай общественнай организациять президентоц Евгений Ледяйкин. Заседаниять итогонзон коряс сембе предложениятне улихть прважафт федеральнай министерствав велень эряйхнень ширеснон кирнеманкса од мерань анокламанкса.

Мордовия Республикань Оцюнять пресс-службац