Правительствать Председателец Владимир Сидоров пачфтсь региононь руководительти работать колга, кона мольфтеви ошса кальдяв шинетнень машфтоманкса. Прябалась кармай машфневома комплекснайста.
«2023 кизось ули водендаф Саранск ошень округонь очистной сооружениятнень реконструкциянкса, - азозе Правительствать Председателец. – Максф поручения, и муниципалитетсь пачфни дополнительнай реагент ташта иловай картатнень обработканкса. Ветсанутильзаводть коряс тифт кафта дорожнай картат. Фкясь эздот – предприятиять педа-пес пякстафста тиеманкса, омбоцесь – очистной сооружениянь ладяманкса и реконструкциянь тиеманкса. Тя ширеть коряс тяни покоди МР-нь Минсельхозсь».
Артём Здунов китькстазе: мяльс сявондемат ся пробатне, конатнень тяни сявондьсыне Роспотребнадзорсь прокуратурать поручениянц коряс. «Коряваст эстокиге ули шарьхкотьф, мезе модать эса, а мезе кожфса, сяс мес тяфтама псись – тя катализатор. Минь шарьхкодьсаськ, мезть каршес тюрьхтяма, - мярьгсь Мордовиянь Оцюнясь. – Республикань Минсельхозть ширде тя работаса должен улемс активнай участия – ветсанутильзаводть коряс пелькссь тейнек эряви машфтомс. Ули несколька вариант, коса можна ладямс тя производствать, но аф оцю населённай пункттнень маласа, ломаттне тянь эзда тейнек эрявихть араламс».
Корхтамок битумнай заводть колга, Владимир Сидоров пачфтезе, што мольфтеви предприятиять санитарнай зонасонза кожфть мониторингонц коряс. «Шумордамдонза меле ули заказаф санпаспорт, конань мяльс сявозь заводть руководстванцты ладявихть вешфкст фильтрань ладяманкса, кда тя эрявксты». – мярьгсь Правительствать Председателец.
Республикань Оцюнясь путсь задача лац-ряц работамс сембе ширетнень коряс, конат эвондафнихть кальдяв шинень пелькс.
Мордовия Республикань Оцюнять пресс-службац