«Белагро-2022» выставкаса няфтьф мокшэрзянь национальнай культурась

«Белагро-2022» выставкаса няфтьф мокшэрзянь национальнай культурась

7 июньцта Минскяйса панжевсь «Белагро-2022» велень хозяйствань техникань  и перерабатывающай и пищевой промышленностень XXXII Международнай специализированнай выставкась, коса примасть участия профильнай компаният Польшаста, Китайста, Белоруссияста и Россияста. 16 российскяй регионць, тяконь лувксса Мордовиясь, няфтьфт выставкаса башка стенттнень мархта.

Мордовия Республикань Экспозиционнай стендть лангса промышленнай и велень хозяйствань продукцияда башка няфтьф народнай художественнай промыслань и ремеслань выставкась, арьсеф ётафтомс «Мордовия мастеровая» мастер-класс. Культурнай программать эса примайхть участия минь творческяй коллективоньке: моронь и кштимань «Умарина» государственнай ансамбльсь, «Торама» государственнай фольклорнай ансамбльсь, «Мерема» этнографическяй фольклорнай студиясь, «Земляки» ансамбльсь.
«Умарина» ансамбльсь выступандась концертнай программа мархта выставкать Центральнай сценанц лангса.

8 июньцта «Умаринань» артисттне максыхть «Из Мордовии с любовью!» оцю гала-концерт Червень ошса Свободань площадьса.
Башка арьсеф ётафтомс круглай шра, коса корхтамась кармай мольфтевома Мордовиять и Белоруссиять ёткса культурнай, творческяй марстонь работать и туристическяй партнерствать сяда тов виияфнемаснон колга.