«Безопасные и качественные автомобильные дороги» национальнай проектсь. Краснослободскяй районца мольфтеви кить капитальнайста петемац

«Безопасные и качественные автомобильные дороги» национальнай проектсь. Краснослободскяй районца мольфтеви кить капитальнайста петемац

«Безопасные и качественные автомобильные дороги» нацпроектть мяльса кирдезь Краснослободскяй районца сяда тов мольфтеви «Подъезд к г.Саранску от автодороги «Урал» - с.Старая Рябка» кить петамац, конань кувалмоц 4,2 вайгяльбе. Тяса работайхть кинь строяйхть «Мордовстройтехника» ООО-ста. Ремонтть арьсекшневи шумордамс тяддень 30 сентябрть самс.

Ремонтти анокламась ушедовсь нинге мартста, ускфоль щебень, валхтфоль ташта вельхкссь. Тяниень пингть работатне мольфтевихть ни Краснослободскяйти шарксса графикть инголязь. Фкя инь васенце задачась тяни – тя кить инженернай обустройствац.

Стане жа нацпроектть коряс тядде должетт улемс капитальнайста петьфт «Подъезд к г.Саранску от автодороги «Урал» - с.Новая Карьга» кись, конань кувалмоц 6,62 вайгяльбе и «Подъезд к г.Саранску от автодороги «Урал» - с.Заберезово» кись, кувалмоц 1,53 вайгяльбе.
Строительнай работань подрядчикне кафцьке направлениятнень эса – «Мордовавтодор» АО-сь.

Лятфтасаськ, што Россиянь Президентсь Владимир Путин панчсь ки 12 национальнай проектти: «Демография», «Культура», «Здравоохранение», «Образование», «Жилье и городская среда», «Экология», «Безопасные качественные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство», «Международная кооперация и экспорт». Главнай задачасна национальнай проекттнень – афкуксонь полафткст российскяй эрь гражданинть и эрь семьять эряфса.