27 декабрьста Мордовиянь Оцюнясь Артём Здунов васетькшнесь Российскяй Федерациянь Федеральнай Собраниянь Государственнай Думань депутатть Юлия Оглоблинать мархта. Корхтафоль народнай избранникть покодеманц сатфксонзон колга, а стане жа регионть и депутатскяй корпусть сяда товолдонь марстонь проектснон квалма.
Юлия Оглоблина азондсь Артём Здуновонди РФ-нь Минспортть вятиензон мархта васедемать итогонзон колга. Корхтамась мольфтевсь «Саранск Арена» универсальнай залть, «Мордовия Арена» стадионть и тёждя атлетикать коряс СШОР-ть федеральнай балансс ётафтомаснон колга. Арьсекшневи панжемс регионца Россиянь Минспортонь олимпийскяй резервань Училища. Тяниень пингть эздост 11 марнек странать эзга, Мордовиять ули кода арамс тяфтама площадкакс. Тяфта, республикати удалай ванфтомс пцтай миллиард цалковай.
Стане жа корхтамась мольфтевсь регионца потребительскяй кооперативонь сетть тиеманц колга. Сонь эрявиксшинц колга корхтасть фермерхне «Минцень — Мордовиянь!» гастрономическяй фестивальть пингста.
Мордовия Республикань Оцюнять пресс-службац