МР-нь Экономикань, торговлянь и предпринимательствань министрствать информациянц коряс, республикань бизнессь активнайста нолясыне тевс ширень кирдемань федеральнай и региональнай мератнень. Кредитнай каникуланкса банкненди и предпринимательствать ширенц кирдемань Фонду пшкядсть МСП-нь пцтай 300 объектсь. Кредитованиянь льготнай программатнень коряс получаф 160 заявка 1,5 миллиард цалковаень лувксс.
Одобрения максф 79 микрозаймати 225 миллион цалковаень лувксс, гарантийнай фондть мархта максф 11 поручительства 44 миллион цалковаенди.
Республикань Оцюнясь китькстазе, што тевс сувафтфширень кирдемань региональнай мератненди ули вешфкс предпринимательхнень ширде.
Республикаса фалу мольфтеви розничнай питнетнень мониторингсна. Потребительскяй рынкаса товархненди розничнай вешфкссь сась нормас.
Мордовиянь Велень хозяйствань и продовольствиянь министерствать информациянц коряс, республикань перерабатывающай предприятиятнень продукцияснонды питнень касома аф аш, кирсть питнетне лофцть, скал вайть, тувонь сивольть и капстать лангс.
Мордовиянь Строительствань и архитектурань министерствать информациянц коряс, основной застройщикнень коряс республикаса эряма вастонь квадратнай метрась кизоть ушедомста питниясь 25-30 процентта. Тяка пингть эрьгавста тевс ётафневи ипотечнай кредиттнень коряс программась. Федеральнай уровеньца процентнай ставкась кирсь 9 процентс. Арьсеф-тиф ставкань кирьфтамань региональнай проектсь: рынкаса ули кредитования 6,7 процент алу, семейнай ипотекать коряс тевс сувафтф программа, конань коряс ставкась 2,9 процентста сявомок васенце кизоть 5,7 процентс молемс – сяда тов. Сембе тя мератне максыхть касфтомс эряма вастонь мишендемать.
Стане жа отмечафоль, што тяниень пингть аш питнень касома основной строительнай материалхнень лангс.
Фалу мольфтеви мониторинг промышленнай предприятиятнень работаснон мельге. Республикань Минпромть информациянц коряс, тяниень пингть республикань 9 системообразующай предприятиятне пачфтсть 100 процентта кржада производственнай мощносттнень пяшкотькшнемаснон колга. Кажнайсь эздост кирдеви башка контроль ала. Работникне, конат повсть простоень режимс, ётафтовихть мзярошка пингонь работас.
МР-нь Социальнай защитань, трудонь и населениять заняфшинц коряс министерствать информациянц коряс, системообразующай и градообразующай предприятиянь работникнень эзда занятостень службав пшкядемат аш.
Мордовия Республикань Оцюнять пресс-службац