Елена Петровна шачсь 1973 кизоня Саранск ошень Николаевка посёлкаса. 1995 кизоня шумордазе Н.П.Огарёвонь лемса МГУ-ть «Русский язык и литература» специальностьс коре, 2012 кизоня – РФ-нь Президентть видеса народнай хозяйствань и государственнай службань Российскяй академиять «Государственное и муниципальное управление» специальностьс коре.
Ушеткшнесь работама рузонь кялень и литературань учителькс Саранск ошень 41№ СОШ-са, сяльде ульсь директорти учебно-воспитательнай работать коряс заместителькс. 2002 кизоня ётась покодема Саранск ошень администрациянь социальнай политикать коряс департаменту, коса ульсь главнай специалистокс. 2003-2015 кизотнень работась МР-нь образованиянь министорти заместителькс. 2015 кизоня арафтфоль васенце заместителькс. 2020 кизонь октябрь ковста сявомок - образованиянь министорть тевонзон тиендисна.
Ули «Мордовия Республикань образованиянь Заслуженнай работник» почётнай лемоц. Казьф «Футболть коряс миронь чемпионатть ётафтоманцты путксонкса» лятфнемань медальса.
Елена Солдатовать участиянц пингста Мордовияса ладяф эффективнай работа образованиянь сфераса. Республикась сувси региоттнень лувксс, коса лац виияфневи олимпиаднай движениясь. Мордовиянь тонафнихне фалу занцихть призовой вастт всероссийскяй и международнай олимпиадатнень эса. Ладяф пингста парста ётафневи эряфс «Образование» национальнай проектсь. Одкстопневи школатнень эса инфраструктурась и оборудованиясь, тиендеви капитальнай ремонт тонафнемань общеобразовательнай заведениятненди, панчсевихть «Касомань вастт», «Кванториум» идень технопаркт. Шабатненди макссеви дополнительнай образования. Мордовиясь сувси странань лидерхнень ёткс школьникнень андомаснон ладяманц коряска. Аноклаф пищеблокнень козякофнемаснон коряс единай методика, сонь нолясазь ни тевс ламоц региоттне. Меля Саранскяйса ётафтовсь школьникнень андомаснон мархта сотф кизефкснень коряс тядянь-алянь васенце Всероссийскяй форумсь.