Азербайджанонь делегациясь ащи экономикань Министрть полафтыенц Сахиб Нуреддин оглы Алекперовонь и транспортонь и цифровой вииямань-касомань Министрть полафтыенц Джавид Ганбар оглу Гурбановонь эзда.
Васьфтемать пингста ульсь няфтьф минь республиканеконь экономическяй потенциалоц, ширетне корхтасть сотрудничествать виияфтоманц колга.
«Азербайджансь и Мордовиясь кунара кирдихть ялгань и тевонь соткст. Минь родоньконь марстонь историяц, минь малапнесамазь культурнай и духовнай соткссне, минь кенярдтяма марстонь сатфксоньконь инкса», - шумбракстозень коллегатнень регионтть руководителец
Китькстасаськ, што 2023 кизоня паршиень экспортсь Азербайджану кассь 23%-тс. Странав уже марави кабельно-проводниковай продукциясь, оптоволокнась, алюминиевай и медень катанкась, древесинась, ликероводочная продукциясь, резиновай продукциясь и лия товархне. Мзярошка позициява ули возможность сяда касфтомсь товарооборотть темпонц. Делегациять мяленц салазь Мордовиянь наработкатне фармацевтикать и вагоностроениять коряс.
Нармонень сивольста эсь продукцияснон няфтезе «Торговый дом «Фуд Экспорт» - халяльнай продукциянь официальнай экспортерсь, конац ноляви инь оцю Россиянь сиволеньперерабатывающяй комплекснень эзда фкять мархта - «Чамзинская» Птицефабрикать. Агрофирмась уже 2016 кизоста ноляй цебярь продукция «Халяль» стандартть коряс «ЭКО Халял» мишендемань маркать ала.
Азербайджанскяй делегациянь представительхне оцю мяль вельде содасть АО «Лато»-ть строительнай продукцияснон мархта. Темась странати актуальнай – Азербайджанса моли оцю строительства, сонь ётксонза ИЖС ала. Минь компаниянеке азондсь тяниень пингонь афпалы отделочнай материалхнень колга, ноляви стеновой панельхнень, 15 кизос макссеви гарантия мархта.
Кизефксонь ваномаса примасть участия вице-премьерхне Наталья Таркаева и Батыр Эмеев, РМ-нь велень хозяйствань и продовольствиянь министрсь Антон Илюшкин и РМ-нь экономикань, мишендемань и предпринимательствань министрть и.о.-ц Иван Горин.
Мордовия Республикань Оцюнять пресс-службац