Китькстасаськ, што ётай кизоня Катарсь импортировандась Россияста мзярошка продукциянь наименования – тя стамань промышленностень паршихть, ярхцамбялень, фармацевтическяй, ваень-куянь, серонь, фанерань и косметическяй продукция. Эсь шумбракстомань валсонза Артём Здунов китькстзе, што Мордовиянь промышленнай потенциалсь пяк кели: «Уликс производственнай вийхне и минь промышленниконеконь опытсна теждя промышленностень сфераса, валомань производстваса, фармацевтическяй продукцияса, фанерань ули кода нолдамс тевс кооперационнай сотксонь кели спектраса».
Катар Государствань правящяй семьяв сувайсь и «Аль Адид Бизнес» компаниянь генеральнай директорсь Шейх Сухаим бин Ахмед бин Султан бин Джассим Аль Тани няфтезе эсь интерезонц Мордовиять мархта кафта ширдень отношениятнень касфтомаснон-виияфтомаснон эса: «Катарсь панжада и, мон содаса, тя васенце васьфтемась канды результатт: карматама васьфнема, тердтядязь минь страназнок. Минь ширнек пяк цебярь природась - сянгярьф, ёмла ляйхть, охотхозяйстват. Сюкпря тердеманкса!»
Ширетне корхтасть «Аль-Адид Бизнес» компаниянь группать мархта инвестиционнай проектонь эряфс ётафтомать колга Мордовиянь особай экономическяй зонань преференциянь учетть мархта. Катарскяй делегациять салязе мяленц Мордовияса ноляви лекарствань спектрсь, Биотехнологическяй центрань панжемань перспективась.
«Верстакофф» компаниянь проектть колга – якай петемань мастерскойть, конань виензон мархта Катарть представителенза содасть форумть экспозицияса, азондсь сонь генеральнай директороц Игорь Силин.
Мордовия Республикань Оцюнять пресс-службац