Од кудса 54 квартира, объектть арьсекшневи сувафтомс тевс тяддеть аделавомс. Тяни основной строительно-монтажнай работатне шумордафт, зданиять потмоса латцевихть инженернай сетьтне, аноклави нолдамс лямбонясь и тиеви потмоширдень отделкась.
Краснослободскяй райононь оцюнясь Алексей Буйнов китькстазе, што 41 квартирась максовихть семьятненди, конат цебярьгофнесазь эрямань условияснон ташта и аварийнай эряма вастста ётафтомань программать коряс. Тя категориянь 103 ломанти, а стане жа 9 уроз иттненди ули кода сувамс од эряма вастс тядде ни. Подрядчикть – Мордовскяй ипотечнай корпорациять представителец надияфни, што квартиратне кармайхть ремонт мархта. «Темпт застройщиксь сявсь цебярьхть, главнайсь ванфтомс синь и пяшкодемс синь эсь пингстонза и цебярь качестваса. Тяда башка, эряви анокламс новостройкать маласта территориять комплекснайста петеманкса-мазоптоманкса план», - мярьгсь Артём Здунов.
Тяка шиня Краснослободскяй районца Артём Здунов ванозе Зиновские выселки велеса прудть гидротехническяй сооружениянц, кона строяф «Развитие водохозяйственного комплекса Республики Мордовия» госпрограммать эряфс ётафтоманц рамкаса. Муниципальнай контрактть коряс шумордамс капремонтть арьсеф 2023 кизоня, но афкукс работатне пяшкотьфт пингть инголязь тядде ни.
Мордовия Республикань Оцюнять пресс-службац