Региононь руководительсь китькстазе тя кизефксть оцю значениянц: «Важна содамс, мезе минь тиендеви рынкать мархта, отраслять виияфнеманкса кодама мерат улихть, кодамот производителеньконь перспективасна».
Мордовиянь велень хозяйствань и продовольствиянь министрсь Александр Кечайкин пачфтсь регионца хлебопекарнай промышленностть тевонзон квалма. Сембоц республикаса кшинь и хлебобулочнай изделиянь 65 производитель, инь оцюсь ёткстост – «Хлебозавод» АО-сь, 7 ковста предприятиясь нолдась 2400 тоннада лама продукция. Тяниень пингть хлебозаводсь ноляй 15 тонна кши суткаста.
Кода отмечазе министрсь, тяни арьсекшневи кизефкссь республикань сетевой лавкатненди хлебобулочнай продукциянь объёмтнень касфнемаснон коряс.
Тядде Мордовия Республикань бюджетть эса катф 12,8 миллион цалковай, штоба мрдафтомс кшинь пидихненди производстванди карьхцнень пяльксснон.
Стане жа, кода пачфтезе МР-нь экономикань, торговлянь и предпринимательствань министрть аф лама пингс тевонзон тиендисна Иван Горин, кшинь производительхненди улихть ширень кирдемань лия мератка. «Тяфта, минь арьсеме специальнай микрозайм кшинь пидихнень ширеснон кирдеманкса хлебобулочнай изделиянь производстванкса сырьёнь рамаманкса – ставкась 7 процентт, займать лувксоц – 5 миллиотт цалковайс молемс», - отмечазе министрсь.
Нинге фкя специальнай продуктась кшинь пидихненди – «Проектный» займась 3 процент алу 10 кизос.
Совещанияса крхкаста ванфоль хлебопекарнай отраслять виияфнеманц коряс кизефкссь.
Мордовия Республикань Оцюнять пресс-службац