Услугатнень лувксс сувафневихть тяконь лувксса РЦИ-ть услуганзон колга консультированиясь, технологическяй анокшинь индексть шарьхкодемац, техническяй аудитонь ётафтомась, финансовай или управленческяй аудитонь ётафтомась, производствать техническяй управлениянц кизефкснень коряс консультированиясь, производственнай процеснень цифровизацияснон предприятиятнень эса тевс сувафнеманкса техническяй решениянь анокламась (проектонь, планонь), маркетинговай услугань получамаса лездомась.
Услугань получаманкса эряви максомс заявка тяфтама адрес коре: Мордовия Республикась, Саранск ошсь, Лодыгинонь ульцясь, 3, «Технопарк – Мордовия» АУ-сь, или электроннай адресненди: info@tpm-13.ru, s.shumkin@tpm13.ru, invest1@tpm13.ru, «Заявка на услуги РЦИ» пометка мархта. Эрявикс документтне – персональнай даннайхненди обработкань тиеманкса согласиясь и Заявлениясь.
Сяда крхка информациять ули кода получамс 33-35-08 телефонц коре – РЦИ-ть начальникоц Сергей Шумкин.
Лятфтасаськ, што Россиянь Президентсь панчсь ки 12 национальнай проектти: «Демография», «Культура», «Здравоохранение», «Образование», «Жилье и городская среда», «Экология», «Безопасные качественные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство», «Международная кооперация и экспорт». Фкя инь васенце задачасна национальнай проекттнень – афкуксонь цебярь полафткст российскяй эрь гражданинть и эрь семьять эряфса.