2017 кизонь 27-28 февральста Сочи ошень Олимпийскяй парконь Главнай медиацентраса етафтови Российскяй инвестиционнай форумсь, конань работаса участия примай и Мордовиянь делегациясь.
Сочинскяй инвестиционнай форумсь – Россиять инвестиционнай и экономическяй потенциалонц презентациянкса традиционнай площадка. Мероприятиясь етафневи Российскяй Федерациянь Правительствать Председателенц Д.А.Медведевонь участиянц мархта. Форумть оператороц – «Росконгресс» Фондсь.
Форумонь участникне вантсазь внутрироссийскяй повесткать, РФ-нь субъекттнень и муниципальнай образованиятнень экономическяй потенциалснон касфнеманкса инструменттнень, российскяй и омба масторонь инвесторхненди синь инвестиционнай возможностьснон.
Мордовия Республикань делегациять Форумса вятьсазь Правительствать Председателенц заместителенза – МР-нь промышленностень, наукань и од технологиянь министорсь Алексанр Седов и торговлянь и предпринимательствань министорсь Дмитрий Иванов.
Мордовиянь делегациясь примай участия площадкатнень работаса, коса корхтамась кармай мольфтевома промышленнай политикать, моногороттнень виияфнемаснон, социально-экономическяй развитиянь инголяй территориятнень пуроптомаснон, трудть производительностенц касфнеманц, емла и средняй бизнесть ширеснон кирнеманц, а стане жа од ломанень предпринимательствать и внутренняй туризмать колга.