Шуваланяста, 30 мартста, Саранскяйса ульсь «Единая Россия» Всероссийскяй политическяй партиять МРО-ц Региональнай политическяй советонц заседанияц, коса примась участия Мордовиянь Оцюнясь Владимир Волков.
Мероприятиять пингста корхтафоль Партиять XVI Съездонц решениянзон и Госсобранияти МР-нь Оцюнять Посланиянц эряфс етафнемаснон колга. Тяда башка, крхтамась мольфтевсь регионть территорияса федеральнай партийнай проекттнень эряфс етафнемаснон, а стане жа федеральнай партийнай проекттнень общественнай советснон Председательснон должностьс кандидаттнень азомаснон колга. Кемокстафтольхть сотрудничествать колга соглашеният «Единая Россия» партиять и общественнай организациятнень еткса.
«Единая Россия» партиять Мордовскяй региональнай отделениянц партийнай организациянзон рольснон колга» доклад мархта выступандась Партиять Генеральнай советонц членоц, Партиять МРО-ц Секретарец Владимир Чибиркин.
«Уважаемай Владимир Дмитриевич!
Региональнай политсоветонь чважаемай члетт и тертьфт!
Тячи минь пуромоме, штоба марса корхтамс-ваномс «Единая Россия» партиять Мордовскяй региональнай отделениянц партийнай организациянзон вастснон Партиять XVI Съездонц решениянзон и Мордовия Республикань Государственнай Собранияти Мордовия Республикань Оцюнять В.Д.Волковонь Посланиянц эряфс етафнемаснон эса. Тяниень пингти Партиять местнай отделениянзон эса аделавсть ни местнай политическяй советтнень заседаниясна, конатнень эса ванфтольхть ня кизефксне, а стане жа азфтольхть путф задачатнень решандаманкса арьсеф платтне.
Кода мяляфтьсасть, «Единая Россия» партиять мекольдень Съездсонза тифтольхть итогт Партиять вете кизоста работанцты, масфоль оценка «Единая Россия» фракциять Государственнай Думаса васенце ковонь работанцты, кочкафт китне-яттне Партиять предвыборнай программанц эряфс етафнеманкса и стак тов.
Съездса Партиянь лидерсь Дмитрий Анатольевич Медведев азозе партиять работань алгоритманц: «Единай Россиясь» аф аньцек примси решеният законодательнай уровеньца, но и кирдьсы партийнай контроль ала синь пяшкотькшнемаснон». Минь Партияньке – аф проста ломаттнень конституционнай партиясна, а правящай Партия, странаньконь Президентонц главнай политическяй ресурсоц».
Ламотне еткстонк лична примасть участия 7 дискуссионнай площадкатнень работаса: «Качество государства», «Экономика роста и благосостояния», «Умная сила и культурное лидерство», «Социальная политика», «Быть хозяином в собственном доме», «Здоровое будущее», «Аграрная сверхдержава». Делегатоньке ванозь властть работанц качестванц мархта сотф кизефкснень, корхтасть предпринимательствать ширенц кирнеманц и бюджетнай средстватнень тевс нолнемаснон колга, наукать, образованиять, культурать виияфнемаснон квалма, а стане жа перьфпяльть араламанц, аграрнай секторть виияфнеманц колга и стак тов.
Главнайсь, съездса азфтольхть-кочкафтольхть избирательхнень наказснон пяшкотькшнемаснон коряс мероприятиятне, экономикаса и социальнай сфераса од мератне, конат лездыхть цебярьгофтомс ломаттнень эряфснон; налоговай политикаса од направлениятне, конат лездыхть пяшкодемс региоттнень бюджетснон.
Етаф кизотнень Партияньке ламода кемокстазень эсь позициянзон, авторитетонц. Оцю профессионализмась, эсь валхнень и тефнень инкса ответственностень марямась, государственнай задачатнень шарьхкотькшнемасна, граждаттнень интересснон ширеснон кирнемасна, партиять лувксс асу, эрьгав ломаттнень сувафнемасна лездсь «Единая Россия» партияти сяськомс стака тюремаса и арамс лидеркс 2016 кизонь избирательнай кампаниять пингста . 343 депутатскяй мандатсь, конат получафтольхть Госдумань кочкаматнень пингста, кемокснесазь тянь, и нилетнень эздост получазь Мордовиянь депутаттне.
Съездса башка мяль шарфтфоль кадратнень ротацияснонды. Полафткст эвондасть партиять Высшай и Генеральнай советонзон эса. Кода содасасть, Партиять Высшай советозонза кочкафоль Мордовиянь Оцюнясь Владимир Дмитриевич Волков, а Генеральнай советть Бюрос кочкафоль Мордовиять эзда Госдумань депутатсь, Госдумань безопасность и коррупциять каршес ащемать коряс Комитетть председателец Василий Иванович Пискарев. Тейне пяк важна, што доверия максфоль и «Единая Россия» партиять Мордовскяй региональнай отделениянц Секретаренцты – мон стане жа сувафтфолень Партиять Генеральнай советозонза.
Ся региоттне, коса «Единая Россия» партиять инкса вайгялень максыда сяда ламоль, получасть сяда лама васта Высшай и Генеральнай советтнень эса. Мордовиясь тянь ширде лия региоттнень еткста лисенди васенце васттненди. Минь избирателеньке няфнихть политическяй смузьши и мяльсна няемс Мордовиять пнчфокс панжикс.
Партиять Председателец3 стане жа путсь задача оду сьмекамс-арьсемс партийнай платформатнень работаснон – либеральнайть, патриотическяйть, предпринимательскяйть и социальнайть – сянкса, штоба внутрипартийнай дискуссионнай площадкатне улельхть шарфтфт предвыборнай программатнень и од партийнай проекттнень эряфс етафнемаснонды. Имена синь лездыхть единороссненди пяшкодемс сянь, мезе надияфтфоль предвыборнай кампаниять пингста.
Партиять мекольце Съездсонза примафоль решения партийнай проекттнень оптимизацияснон коряс.
24 федеральнай партийнай проекттнень эзда Мордовия Республикать территорияса эряфс кармайхть етафневома 18-сь:
1. «Безопасные дороги»;
2. «Народный контроль»;
3. «Гражданский университет»;
4. «Детские сады – детям»;
5. «Детский спорт»;
6. «Достойный труд»;
7. «Единая страна – доступная среда»;
8. «Историческая память»;
9. «Крепкая семья»;
10. «Модернизация образования»;
11. «Российское село»;
12. «Старшее поколение»;
13. «Управдом»;
14. «Здоровое будущее»
15. «Экология России»;
Тяда башка, эряфс етафтовихть колма од партийнай проекттне, конат водендафт российскяй ошнень благоустройстванкса. Тя: «Городская среда», коса мяльса кирдеви куд пирьфнень ремонтсна; «Парки малых городов», конань коряс благоустроендавихть паркне ся ошнень эса, коса 250 и сяда 5кржа эряй, и «Местный дом культуры» проектсь, кона кармай заняф велень культурань куттнень петемаснон-тиемаснон мархта, од оборудованияса козякофтомасост ся велетнень эса, коса аф 50 тежянь эряйда лама.
Проекттне получайхть федеральнай субсидирования, синь эряфс етафневомасна кармай вятевома общественность и народнай контролень организациятнень водендакшнезь.
Инь оцю финансовай лезксть – 200 миллион цалковайда лама 2017 кизоня Мордовияса получасы «Городская среда» проектсь. mordov.er.ru региональнай партийнай сайтть эса эвондась ни «Городская среда» специальнай рубрика, коста республикань любой эряйсь может кадомс благоустройстванкса эсь заявканц. Тейнек пяк важна ладямс кеме соткст ломаттнень мархта, штоба шарьхкодемс, мезсь синь инь пяк пичефтьсыне. Эрь ломанти важна, кодама состоянияса ащи сонь куд пирьфоц. Тянкса и водендаф Городская среда» проектсь. Регионца партиецнень задачасна – обеспечендамс проектть эряфс етафтоманц. Партиять представителенза, и васендакиге, депутаттне, молихть ломаттненди и кармайхть теест азонкшнема кода работай проектсь, кода арамс сонь участникокс».
«Местный дом культуры» проектть эряфс етафтоманкса софинансированиянь условияса 2017 кизоня карьхцяви 26 миллион цалковайда лама. Ня ярмакнень лангс одкстоптови музыкальнай и световой оборудованиясь культурань 6 куттнень эса Ковылкинскяй, Ардатовскяй, Атяшевскяй, Зубово-Полянскяй, Темниковскяй и Теньгушевскяй райоттнень эса.
«Парки малых городов» проектть эряфс етафнеманкса нолдави 2,3 миллион цалковай. Мярьгат, тя аф оцю сумма, но проектть финансированияц поладови сяда товолдонь кизотненьга.
«Единая Россия» партиять партийнай проектонза – тя ся кизефксне и прябалатне, конатнень решандамаснон лангса активнайста работай партиясь выборхнень еткста, тя работась сядовок кемокснесыне ломаттнень мархта соткснень. Лятфтаса, партиять Председателец Дмитрий Анатольевич Медведев азсь мяль етафнемс «Единай Россиять» съездонзон кизоти весть, штоба максомс оценка, кода пяшкотькшневихть партийнай проекттне и Партиять программац.
Важна азомс, што Мордовиясь пяк серьезнайста маладсь республикать территорияса од проекттнень тевс сувафнемаснонды. Аноклаф одкстоптомань план, кона полафтсы цебярь шири региононьконь эряфонц. Кочкафт проектонь координаторхне, пуропневихть общественнай совет.
Мялезе отмечамс, што проекттнай тевть мельге ваномась путневи Партиять Региональнай отделениянц Секретаренц заместителенц Н.М.Андрюшечкинать лангс. Тячи сон сяда подробнайста азонды од партийнай проекттнень эряфс етафнемаснон колга, а стане жа семинарть квалма, конац етась Казаньца 6-7 мартста «Городская среда» партийнай проектть эряфс етафнеманц коряс.
Российскяй Федерациянь Федеральнай Собраниянь Государственнай Думань од руководствась башка мяль шарфни федеральнай закоттнень аф колсемаснон мельге, конатнень оцю социальнай эрявиксшисна. Тяфта, партиять кочкамада ингольдень программанц эряфс етафнеманкса примафоль несколька од федеральнай проект, конат водендафт порядкань тиеманкса ся ширетнень эса, конат пичефнесазь ломаттнень, тяконь лувкссот ярхцамбяльхнень лангс питнетне.
Тя темась тячивок лядонды пяк важнайкс. И федеральнай, и региональнай уровеньца пуроптфт мониторинговай группат (федеральнай группать вятьсы Госдумань председательть заместителец Ирина Яровая). Республикаса стане жа пуроптф мониторинговай группа «Об основах государственного регулирования торговой деятельности в Российской Федерации» Федеральнай законть эряфс етафнеманц коряс. Группати сувасть Мордовия Республикань Госсобраниянь депутаттне, Мордовиянь Правительствань члеттне, общественнай структурань представительхне, республикань сельхозпроизводительхне.
Проектти максфоль «Честная цена» лем. Работась мольфтеви активнайста, етафтф ни несколька «Круглай шра», конатнень участниксна азозь эсь мяльснон-арьсемаснон, получасть информация контролирующай и надзорнай оргаттнень эзда, етафтфт контрольнай мероприятият антимонопольнай службать мархта. Корхнематнень итогснон коряс Ирина Яровойти прважафтольхть законодательствать цебярьгофтоманц, дополнительнай мероприятиянь етафтомать коряс предложеният.
Тернетядязь тинь, коллегат, примсемс активнай участия закоттнень пяшкотькшнемаснон мельге контрольть вятеманц эса. Главнай задачась – ванфтомс ломаттнень.
Сембе минь тевоньке должетт улемс водендафт сянкса, штоба ломаненьконь эряфснон качествац коль касондоль. Тянкса пяк важна аф аньцек кулхцондомс ломаттнень, но и кулемс синь.
Региональнай политсоветонь уважаемай инжихть и участникт!
Партийнай проекттнень эряфс етафнемасна видеста сотф партиять Программанц и Государственнай Собранияти республикань Оцюнять Посланиянц эряфс етафнемаснон мархта. Ся мезе тифоль мекольдень кизотнень, кода региононьконь территорияса, стане и целайнек странаса – тя, тяконь лувксса, и партийнай проекттнень работаснон результатоц. Кой-коста оппонентоньке корхнихть, тя вдь бюджетнай ярмакт, мес имена тинь строятада школат, больницят, кит? Да сяс мес решениятнень примсесазь ся депутаттне, конат работайхть «Единай Россиять» фракцияса, ся ламось, конанди ломаттне максозь довериять примсемс решениятнень.
Мордовиянь Оцюнясь, Партиять Высшай советонц членоц Владимир Дмитриевич Волков Посланиясонза отмечазе, што экономикань сембе отрослятнень эса, наукаса, социальнай сфераса сатфт кой-кодама сатфкст, «но инголе учендсамазь лама стака работа». Тейнек сави пяшкодемс вииякшнемань лама программа, достойнайста анокламс 2018 кизонь миронь чемпионатти, тянь мархта ряцок цебярьгофтомс ломаттнень эряфснон. Тиендемс тянь сави стака условиятнень пингста, и сянкса, штоба лац-ряц пяшкодемс сембе арьсефть, эрявксты лама вийда.
Тейнек эряви тиемс семботь, штоба кирдемс кокуренциять, ламолгофтомс козяшиньконь, сатомс касома эряфонь сембе ширетнень эса. Аш месть корхтамс, кризиснай ситуациясь кадозень эсь пильгокинзон ломаненьконь эсь прянь марямаснонды. Но эсь пингонь антикризиснай мератнень вельде, конат примафтольхть и федеральнай, и региональнай уровеньца, лездсть «ляпфтомс» экономическяй сталмотнень результатснон. башка оцю мяль шарфтфоль импортонь полафнемань политикати, кона арась цебярь мотивациякс отечественнай таваропроизводительхненди. Тейнек удалась нолдамс тевс лама од производства, тиемс реконструкция уликсненди.
Кода итог – сатфкст промышленностьса и велень хозяйстваса. Республикань руководствать, партийнай активть вийснон мархта полатф работась велень территориятнень благоустройстваснон коряс, пяшкотьфт проекттне образованиянь и здравоохранениянь сфераса, ЖКХ-са, ломаттнень аварийнай эряма вастста етафтомаснон коряс. Мезсь пяк важна, республикась пяшкотькшнезень и пяшкотькшнесыне эсь лангозонза сявф обязательстватнень.
Тя кизось целайнек ульсь республикати аф кальдяв. ВРП-ть касомац пачкодсь 3,5 процентс, ванфтовсть уликс инвестициятне, кассть кинь и эряма вастонь строямань объемтне, панчф движениясь кинь оцю развязкатнень лангса, заработнай платать касомац инголясы инфляциять. Промышленнай производствать касомац меля пачкодсь 108 процентс.
2016 кизоня Мордовиянь аграрийхне кочкасть 1 миллион 314 тежянь тонна сера, 1 миллион 70 тежянь тонна якстеряпс, мезсь арась инь цебярь результаткс ПФО-са. Федеральнай бюджетста лезксть вельде (2,3 миллиартт цалковай) и Госдумань депутатть Виталий Борисович Ефимовонь личнай лезксонц вельде республикаса строяфоль, ремонтировандафоль 83 вайгяльбень квалмоса кит. Шумордавсь пяк эрявикс трассать строямац, кона сотнезень Саранскяень кафта райоттнень – Светотехстройть и Юго-Западть. Строяфт развязкат Красная и Севастопольская ульцятнень и аэропортти вяти од кить васедема вастсост.
Меля муниципальнай образованиятне получасть кинь строяманкса 200 миллион цалковайда лама. Тя лездсь строямс и тиемс реконструкция велень 20 вайгяльбень квалмоса китненди, петемс сельхозпродукциянь производствань и переработкань объекттненди вяти китнень.
2017 кизоня кинь строяманкса нолдави 5 миллиартт цалковай. Сави петемс и строямс 90 вайгяльбе федеральнай и 37 вайгяльбе региональнай ки. Велень китнень строяманкса республикась получай средствада кафтонь-крда сяда лама мелянь кизоть коряс.
Республиканскяй дорожнай фондть эзда нолдави 305 миллион цалковай муниципальнай образованиятненди велень китнень петеманкса.
2017 кизоня капитальнай ремонт тиеви 350 кудти. 65 тежянь эряйсь цебярьгофтсазь эрямань условияснон. Стаки мольфтефи работась граждаттнень аварийнай эряма вастста етафтомаснон коряс. Тянкса нолдаф пцтай 5 миллиартт цалковай. Срафтф-калафтф 400 аварийнай куд, строяф 115 тежянь квадратнай метра од эряма васта. тядде 1 сентябрть самс срафтома-калафтома 23 тежянь квадратнай метра эряма васта, етафтомс тоста 1600 ломань.
Республикаса лац-ряц етафневи эряфс «Детские сады детям!» партийнай проектсь. Мекольдень кизотнень Мордовияса строяф и тиф реконструкция 52 идень садти, панчф 6,5 тежянь од васта. Тянкса карьхцяф 2 миллиартт цалковай. Тяка пингть улихть райотт, коса ули очередь идень саттненди. Сядонга оржаста ащи кизефкссь Ромодановскяй, Лямбирскяй и Теньгушевскяй раоттнень эса.
Ниле кизоста республикаса строяф 5 од школат. Тядде арьсекшневи шумордамс Саранскяйса Солнечнай ульцяса 550 вастонди школать строяманц. Партийнай од проектть рамкаса ушедови од школань строямась Краснослободскяй, Рузаевскяй райоттнень эса. Сембось тя лезды тонафнемс республикань школьникненди фкя сменаса.
Совещаниянь уважаемай участникт!
Партиять мекольдень Съездсонза Дмитрий Анатольевич Медведев башка мяль шарфтсь первичнай организациятнень пуропнемаснонды. Мяленц коряс, работать эффективностец тянкса ламода кассь, сяс мес первичкась – ломаттненди инь мала партийнай структурась. Единоросснень лидерсна путсь задача поладомс первичнай организациянь панчсемать коряс работать. Сон азсь мяль пачфтемс первичкатнень лувксснон избирательнай участкатнень лувксснонды.
Мордовскяй региональнай отделенияса 794 избирательнай участкаса пуроптф 854 первичнай отделения. Аньцек 2017 кизоня панчф 9 первичнай отделения. Фалу вятеви работа первичнай отделениятнень рольснон и статусснон касфнемаснон коряс.
Тяддень февраль ковста местнай отделениятнень эса тифтольхть итокт первичнай отделениянь инь цебярь Секретарень конкурсти.
Меля ульсть властень законодательнай оргаттненди кочкамат, конатнень итогснон коряс «Единая Россия» партиясь получазе избирательхнень инь лама вайгяльснон, пуроптсь парламетскяй большинства. Лятфтаса, што Мордовияса единороссне получазь вайгяльхнень 84 процентснон. 2016 кизонь выборнай практикать эряви нолдамс тевс тяддень инь оцю общественно-политическяй событиять – мордовиянь Оцюнянь кочкаматнень пингста. Предварительнай голосованияти лядонды аф лама пингта. Минь надиятама, што граждаттне тага няфтьсазь эсь гражданскяй позицияснон и кирдьсазь высшай должностной лицанди кандидатть ширенц. Мордовскяй региональнай отделениянь члеттнень задачасна – кошардомс избирательхнень самс избирательнай участкав и пяшкодемс эсь конституционнай праваснон, мезть кармай оцю путксоц республикать социално-экономическяй касоманцты-вииякшнеманцты. Лятфтаса, што 28 мартста Госсобраниять сессияса сувафтфт полафткст «О выборах Главы РМ» МР-нь законти. Полафткснень ширеснон кирдезь Госсобраниянь депутаттне. Тяка пингть улема анококс сянди, што кармайхть мольфтевома аф фкя лацонь провакацият. Ня шитнень Москуса и ламоц лия ошнень эса коррупциять каршес ащемань лозункнень ала выступандасть Алексей Навальнаень «ширенц кирниенза». Кода меле содавсь, митингонь участникнень еткса ульсть аф аньцек оцю ломатть, но и подросткат, конат повсть тоза «ширдень люпштамать» коряс. Шарьхкотьф, што акцияти целькс ульсь СМИ-тнень эса тянь колга пачфнемась, кальдяв информационнай волнань нолдамась, общественнай порядкать коламц, мезть аш кода нолдамс республикасонк 2017 кизонь выборнай кампаниять карша, а меле 2018 кизоня Россиянь Президентть кочкамада инголе. Эряви сяда активнайста работамс населениять, трудовой коллектифнень, общественнай организациятнень мархта, штоба аф нолдамс эксцесснень. Меколи минь марстонь целеньке – властень оргаттнень пуроптомасна, конатнень лангс кармайхть надияма граждаттне и конатненди вийс коре примсемс эффективнай управленческяй решеният.
Выступлениязень шумордамста, мялезель отмечамс вов мезть. Партиясь мекольдень вете кизотнень одкстопнемок, башка мяль шарфни народть мархта меки моли сотксти. «Единая Россия» партиять инь лама васстонза Государственнай Думаса, региональнай и местнай парламентса. Партиянь члеттнень лангса, конатненди населениясь макссь доверия примсемс важнай государственнай решеният, путневи оцю ответственностсь. Тя ответственностсь путни оцю обязательстват сембонь минь лангозонк. Ломаттнень довериясна, кода отмечазе Владимир Владимирович Путин, - тя ся, мезти эряви макссемс оцю оценка и фалу пяшкотькшнемс сонь. Эряви сяда товга нолнемс тевс партиять виенц, тяконь лувксса сонь инь стака задачатнень решандаманкса анокшинц. Эрьда карматама кирнема тя курсти и работама республикать и странать панчфокс панжемаснон инкса.
Спасиба кулхцондоманкса!