Атяшевскяй райононь оцюнясь Виктор Прокин и Белоруссиянь Минскяй областень Червенскяй райононь райисполкомонь председательть васенце заместителец Александр Годун кемокстасть Атяшевскяй и Червенскяй райоттнень ёткса побратимскяй сотксонь ладямать колга соглашения.
Мордовиянь делегациянь члеттне путсть панчфт Червень ошень Вечнай толть малас, лятфтамок Великай Отечественнай войнань сембе геройхнень.
Республиксонк шачф-касф ломаттнень – Советскяй Союзонь Геройхнень лемсна, конат активнайста примасть участия фашистскяй захватчикнень эзда Белоруссиять воляс нолдамаса, зрнянь букваса тяштьфт Великай Отечественнай войнань историянь Белорусскяй Государственнай музейса.
Червенскяй районнай краеведческяй музейса Мордовиянь делегацияти азондсть земляконьконь – Советскяй Союзонь Геройть Василий Фёдорович Здуновонь подвигонц колга.
Великай Отечественнай войнать пингста имена Червенскяй районть территорияса 1-це Белорусскяй фронтонь 348 стрелковай армиянь 207 отдельнай истребительно-противотанковай дивизиононь командирсь перезе кить фталу потай фашистскяй войскатненди и машфтсь эсь расчётонц мархта кафта штурмовой орудият, Ниле машинат и кемотть враг.
47 советскяй военнослужащайхнень ёткста эста шиса лядсть аньцек колмотне. Ётксост – Василий Здунов. Тя тюремаса 1944 кизонь 1 июльста Атяшевскяй райононь Лобаски велеса шачф-касф цёрась стакаста контужендафоль и ранендафоль. Великай Пообедать Советскяй Союзонь Геройсь Василий Здунов васьфтезе Германияса. Азсаськ, што Василий Фёдорович – Мордовиянь Оцюнять Артём Здуновонь атянц двоюроднай брадоц.
Тяка жа шиня мордовскяй делегациясь кафта ширень сотрудничендамать виияфнеманц мяльса кирдезь ульсь Белорусскяй национальнай биотехнологическяй корпорацияса, «Дукорский маёнтак» музейнай комплекса и «Дорэлектромаш» предприятияса.