Лятфтасаськ, 6 июньцта сявомок 9 июнти молемс Мордовиянь делегациясь, конанди руководителькс ульсь Мордовиянь Правительствать Председателец Владимир Сидоров и коза сувсесть региональнай министерствань и ведомствань представительхне, велень хозяйствань, перерабатывающай и промышленнай предприятиянь, здравоохранениянь, культурань и образованиянь учреждениянь вятихне, работась Белоруссияса. Мероприятиять целец – виияфтомс кафта ширдень сотрудничендамать.
9 июньцта Мордовиянь делегациясь поладозе работать «Белагро-2022» XXXII Международнай специализированнай выставкаса.
Выставкаса примасть участия 30 лама российскяй регионць, 16 субъектть, конатнень ёткса Мордовиясь – ульсть эсь стендсна. Минь республиканьконь няфтезь 25 перерабатывающай и промышленнай предприятиясь, ёмла предпринимательствань представительхне, конатнень ёткса: «Талина», «Рузово», «Биосфера», «Консервный завод «Саранский», «Сармич» сыронь тии заводсь, «Карпай, «Мордовские пенькозаводы», А.Н.Лодыгинонь лемса НИИИС-сь, РМ Рейл Транс, «Оптиковолоконные системы», «Сарансккабель», «Оптикэнерго» и лиятне.
Мордовскяй делегациянь члеттне содафтсть ламоц экспозициятнень мархта, шарфтомок башка мяль машиностроительхненди. «Амкодор» предприятиять площадкаса Мордовиянь Правительствать Председателенцты Владимир Сидоровонди няфтезь погрузчикнень, бульдозерхнень, белорусскяй производствань велень хозяйствань машинатнень.
Оцю интерес эвондафтсь васенце белорусскяй агродронць, кона водендаф касыкснень араламанкса, сонь няфтезе «Авиационные технологии и комплексы» китайско-белорусскяй марстонь предприятиянь представительхне. Минскяй тракторнай заводть стендса няфтьфоль автономнай трактор, конань вятемс ули кода нльне мобильнай телефонцта.
Азсаськ, «Белагро-2022» выставкась ётафтовсь «Великий камень» Китайско-Белорусскяй индустриальнай паркть территорияса: Мордовиянь делегациясь содафтсь паркть работанц и сонь резидентонзон мархта. Мордовия Республикань развитиянь корпорациясь кемокстась «Великий камень» индустриальнай паркть мархта сотрудничендамать колга Меморандум.
Тяда инголе Владимир Сидоров азозе, што поездкать итогонзон коря сули аноклаф Беларусь Республикать мархта велень хозяйстваса, промышленностьса, культураса, образованияса и здравоохраненияса сотрудничендамать келепнеманкса оцю дорожнай карта.