««Край земли» лемс монь идькс пингснон. Монь атязе ульсь геолог, сон лама теень азонкшнесь эсь путешествиянзон колга и фалу корхнель, што сяка модать пец тяса, коса сонь шачем масторонц лангса. И тяни, 30 кизода меле, шачсь тяфтама бренд. Минь планцонок – виензафнемс вийнеконь безалкогольнай симомапяльхнень нолямаснон коряс, сок, сидр», - китькстазе Александр Земченко.
Этай кизоть ульсь тиф оцю покодема марлювонь садттнень порядкас сафтомаснон коряс, ульсть озафтфт од садтт - 36 гектарда лама. Тя кизоть предприятиясь арьси кочкамс 20 центнер смородина, 30 центнер черноплоднай рябина и 1,5 тежянь центнер марь. Тя сембось кармай нолдаф продуктас «Край земли» брендтть ала - варения, сокт, чайхть, мишенди экологически ару медь. Ноляви тяса сидрсь уже ульсь няфтьф оцю экспозицияса и получась оцю оценка.
Мордовиянь оцюнясь ванозень участкатнень од марлювонь путфкснень мархта и предприятиять нолямань виензон.
Китькстасаськ, што Александр Земченко кирнесы эсь райононц: сон макссь ярмак Кечушево велень школать петеманцты, коса тонафнесь сонць. Тяфта жа предпринимательсь лезни православнай объекттнень одкстоптомаса.
Предпринимательсь арьси ётафтомс Мордовияса марень фестиваль и ётафтомс эряфс «Подари себе яблоню» проектть, коса эрьсь может рамамс эсьтеенза путфкс и сявомс эздонза урожай.
Мордовия Республикань Оцюнять пресс-службац