«Байтэкс»-сь – республикаса IT-компаниятнень ёткста фкя инь оцюсь, эсонза работай пцтай 300 ломань. Предприятиясь няфни цебярь результатт. Кизоть васенце пяленц итогонзон коряс работникнень штатнай лувкссна кассь 27 процентта 2021 кизонь тяка пингть коряс. Средняй заработнай платась 6 ковста арась 48 тёжянь цалковай, сон касфтовсь 37 процентта.
Дмитрий Карасёв азондсь республикань Оцюняти сянь колга, кода аноклай компаниясь Саранскяйса 8-12 сентябрьста «Од профессионалхт» Национальнай чемпионатть Финалонц ётафтоманцты. Лятфтасаськ, што «Байтэкс»-сь арась «Специалист по тестированию программного обеспечения» профессиональнай компетенциянь арьсикс.
Стане жа корхтамась мольфтевсь Мордовияса киберспортть коряс республиканскяй и межрегиональнай пялькстоматнень ётафтомаснон колга.
Васедемать шумордамста Дмитрий Карасёв тердезе республикань Оцюнять компьютернай налхксемань интерактивнай музейть панжема.
Мордовия Республикань Оцюнять пресс-службац