30 сентябрьста Москуса ётась Мордовиянь Оцюнять Артём Здуновонь и «ДОМ.РФ» финансовай институтть генеральнай директоронц Виталий Мутконь рабочай васедемасна. Ванфтольхть ипотечнай кредитованиянь кизефксне, а стане жа корхтафоль Саранскяйса и республикаса строительнай отраслять виияфнеманц колга.
Тяфта, ширетне ванозь Мордовияса застройщикненди, юридическяй лицатненди и эряйхненди кредитонь макссеманкса «ДОМ.РФ» АО-ть офисонц панжеманц колга кизефксть. Республикаса 2030 кизоти эряви строямс 4,7 миллион квадратнай метра эряма васта «Жильё» региональнай проектть эряфс ётафтоманц колга соглашениять мяльса кирдезь, кона кемокстаф Россиянь Минстройть мархта. Республикась шарфни оцю мяль корпорациять мархта сотксонь ладямати.
Саранскяень ошень агломерациять виияфнеманкса, конань пуроптомац азф 17 сентябрть эзда РФ-нь Президентть Владимир Путинонь поручениянзон эса, республикась арьсекшни нолдамс тевс сяда лама модань участка эряма вастонь строяманкса.
Агломерациять эса арьсекшневи строямс аф аньцек эряма вастт, но и производственнай площадкат и инфраструктурань объектт. Тя лезды виияфтомс территориять. «ДОМ.РФ» АО-сь максы тя тевса лезкс.
Мордовиянь Оцюнясь азозе: «Минь улихть модань участканьке, конат мзярс сувсихть федеральнай собственностти. Арьсекшнетяма нолдамс синь тевс эряма вастонь строяманкса. Саф мяльс «ДОМ.РФ» АО-ть мархта сувафтомс тевс льготнай финансированиять, ипотечнай кредитованиять, социальнай объектонь панчсемать», - азозе Артём Здунов.
Тяда башка, корпорациясь лезды петемс-мазоптомс общественнай васттнень Саранскяйса и Рузаевкаса, а стане жа анокламс проектт Мордовияса «Арзамас – Дивеево – Саров» кластерть виияфнеманкса.
Мордовия Республикань Оцюнять пресс-службац