Мордовиянь Оцюнясь 9 февральста етафтсь рабочай васедема Сранскяй и Мордовскяй митрополитть Зиновиень и Русскяй православнай церькавонь учебнай комитетть председателенц васенце заместителенц Максим Козловонь мархта.
Корхтамась мольфтевсь республикаса духовнай образованиять виияфнеманц квалма. Ванфтольхть кизефксне, конат сотфт Саранскяй духовнай уилищать, кона работась 1997 кизоста сявомок, духовнай семинариякс лемдеманц мархта.
Владимир Волков китькстазе, што республикась кирнесы митрополиять Россияса духовнай образованиянь центратнень эзда фкякс араманц коряс мяленц, штоба аноклакшнемс профессиональнай священникт аф аньцек эстейнек, но и лия региоттненди.
Рабочай васедемать эса участия примасть Мордовия Республикань Оцюнять Администрациянц вятиец Николай Крутов, Саранск ошень округонь оцюнясь Петр Тултаев, попечительскяй советть председателец Виктор Бирюков, а стен жа РПЦ-нь учебнай комитетонь представительхне.
Мордовия Республикань Оцюнять Пресс-службац