Мордовиянь Оцюнясь Артём Здунов 19 январьста Республикань Кудса ётафтсь рабочай васедема Российско-Германскяй внешнеторговай палатать делегациянц мархта. Корхтафоль торгово-экономическяй и научно-образовательнай сфератнень эса марстонь покодемать колга.
Мордовиянь Оцюнясь китькстазе ня соткснень оцю эрявиксшиснон.
«Ётай кизонь 9 ковонь итокнень коряс пуроптф аф кальдяв внешнеторговай оборот — сон арась 11 миллионда лама цалковай, - мярьгсь Артём Здунов. - Тя аф пяк лама, но ули кода касондомс. Технологическяй оборудованиясь, кона нолдаф Германияса, ладяф республикань ламоц предприятиятнень эса. Тяда башка, фкя инь цебярь стратегическяй партнёркс ащи «Ремондис» компаниясь, конань мархта минь кирттяма соткст 10 кизот ни. Компаниясь ащи региональнай операторкс марстонь од инвестпроекттненди».
Российско-Германскяй внешнеторговай палатать правлениянц оцюняц Матиас Шепп тяшкстазе: сотрудничендамать потенциалоц пяк оцю.
Пуромксса ульсть республикань министорхне вятиснон, Правительствать Оцюнянц Владимир Сидоровонь мархта. Минсельхозонь и Минпромонь представительхне няфтезь эсь отрасляснон презентациять вельде.
Мордовия Республикань Оцюнять пресс-службац