Семьянь азорсь – отец Николай, Ромодановскяй райононь Пушкино велень Никольскяй церькавонь настоятельсь, тяниень пингть заняф срафтф-калафтф храмть эреклафтомаса.
Бябиттне касфтыхть сисем итть. Оцю стирьсна Александра – Л.П.Кирюковонь лемса Саранскяй музыкальнай училищань 1 курсонь студентка. Тяфта угадясь, што тя шиня теенза топось 18 киза. Республикань Оцюнясь поздравляндазе стирть тя иланц мархта, арьсесь мумс вастонц кочкаф профессияса и Шкаень лезкс эрь тевсонза.
Бябиттнень нинге ниле стирьсна – школьницат, синь кеняркшнихть занцемс пря и музыкаса, и спортса, мезть колга пара мяльса азондсть Артём Алексеевиченди чайда симомста. И хозяйствас коре – оцю лездыхть: и переса, и кудонь жувататнень мельге якамаса. Ёмла шабасна лядсть кудса, но колгаст апак юкстаколь – теест максфтольхть ламбама казнет республикань Оцюнять эзда. Стане жа Артём Здунов макссь лама идень семьяти Саранск ошень культурань учреждениятненди якаманкса абонемент.
А вов главнай казнесь учендозень Бябиттнень ульцяса – «Лада Ларгус» сисем вастонь автомобильсь. Мордовиянь руководительсь максозень семьянь азорти од автотранспортть эзда панжематнень и арьсесь пара ки.
«Сюкпря тяфтама казненкса, сон тейнек пяк эряви. Тяни минь арнетяма вете вастонь машинаса, мезсь аф фалу пара минь оцю семьяньконди. Тяни тейнек ули пяк пара арнемс сембонди марса, тяконь лувксса святой васттнень эзга», - мярьгсь отец Николай.
Мордовия Республикань Оцюнять пресс-службац