Мордовиянь Оцюнясь корхтась креативнай территориянь Глобальнай форумса

Мордовиянь Оцюнясь корхтась креативнай территориянь Глобальнай форумса

1 октябрьста Мордовиянь Оцюнясь Артём Здунов ульсь креативнай территориянь Глобальнай форумса, кона ня шитнень ётафтови Нижняй Новгородса. РФ-нь Минпромторгть и Федерациянь Советть ширень кирдемаснон пингста форумонь участникне мольфтсть корхтама народнай койхнень-обуцятнень и художественнай промыслатнень виияфнеманкса государственно-частнай партнёрствать колга. Пуромксса няфтевихть креативнай ошень и туристическяй кластеронь виияфнемать коряс народъётконь и Россиянь инь удалаф практикатне.

Артём Здунов корхтась «Философия развития креативных территорий» пленарнай заседанияса, коса РФ-нь промышленностень и торговлянь министрть Денис Мантуровонь председательстванц ала ванфоль территориятнень виияфнемасна, коса ванфневихть Россиянь нароттнень сире пингонь койсна-обуцясна. Фкясь синь ёткстост – Мордовия Республикась. Ярмаксь нолдави Минпромторгть ТЕТРА проектонц коряс. Пилотсь нолдаф ни Нижегородскяй областьса.

Региононь вятись азозе: ули ни тя ширеса покодемать коряс план Нижегордскяй областть мархта марстонь тевонь вятезь. «Тейнек эрявихть шарьхкодемс проектть эряфс ётафтоманц коряс сембе технологиятне. Мордовияса ломаттнень 40 процентсна эряйхть велеса. Аграрнай секторть миньцонк оцюфт технологиянза. Тяфтама жа уровенень условият эряви тиендемс ломаттнень эряфснон цебярьгофнеманкса. Тянь эса ули цебярь экономическяй потенциал», - китькстазе Артём Здунов.

ТЕТРА статусть максомац лезды водендамс территорияти государствать ширень кирдеманц.


Мордовия Республикань Оцюнять пресс-службац