30 мартста Мордовиянь Оцюнясь примась участия «АгроТех-Мордовия» XX Межрегиональнай специализированнай выставкать рамкаса семинарть-совещаниять эса.
В.Д.Волков отмечазе:
«Тячи тейнек эрявихть азомс 2017 кизонди сельскохозяйственнай отраслять задачанза.
Азса, што мелянь кизоть республикась аделазе аф кальдяв результат мархта. 7 процентта кассть объемтне аграрнай секторса. Велень хозяйстваса эряфс етафтф пцтай кемонь инвестиционнай проект.
Получаф республикать историяста серонь инь цебярь урожайсь, ладяф рекорд сахарнай якстеряпсть кочкаманц коряс, касфтф сиволень, алонь и лофцонь производствась.
Активнайста вииякшни велень хозяйствань продукциять переработкац. Колбаснай изделиянь нолнемась кассь 17 процентта. Странать эзга сырть производстваса Мордовиять пяльксоц пачкодсь 10 процентс. Республикась машфтозе омба масторонь перень серотнень эзда ащемать, тяконь лувксса тялонь пингть. Стройсевихть од тепличнай комплекст панчфонь касфнемать коряс. Фермерхнень инициативаснон коряс вииякшнихть велень хозяйствань од направлениятне.
Башка отмечаса, што переработкань пцтай сембе предприятиятне работайхть тяниень пингонь инь од оборудованиять лангса, тевс нолневихть од технологиятне. Кода результат – мокшэрзянь продукциять ассортиментонц касфнемац.
Вииякшни велень хозяйствань продукциять экспортоц.
Оцю аськолкст тиф ни 2017 кизоть ушетксста. Тяфта, кафта ковста нолдаф велень хозяйствань продукциять объемонза – 4,6 процент (промышленнай производствась кассь 16,5 процентта). Но тя результаттнень лангс лотксемс аш кода, Прябалада, кизефкста нинге пяк лама.
Китькстаса, што 2017 кизоня республикать инголе ащихть оцю задачат. Валовай региональнай продуктась касфтома 5 процентта, промышленнай и велень хозяйствань производствась – 6 процентта.
Тяниень пингть ушеткшнихть тундань видемань-сокамань тефне. Тейнек эряви лацкас анокламс теест, парста етафтомс синь. Эрви ре6шандамс кизефкссь кой-кона райоттнень эса витцеви площаттнень кирьфтамаснон мархта, ваномс видеви видьмотнень качестваснон, удобрениятнень и техникать сатнемаснон, жувататнень лувксснон ванфтоманц и стак тов.
Тячиень шити велень хозяйствань техникать анокшиц пачкотькшни 94 процентс. Эрь к5изоня касфневи энергонасыщеннай велень хозяйственнай техникать лувксоц. Аньцек меля рамаф 55 трактор, 45 комбайна, 5 видемань комплекс, 25 тяниень пингонь сеелка.
Тяфтама передовой хозяйстватне, кода «Мордовский бекон», «Агрофирма «Октябрьская», «Птицефабрика «Чамзинская» активнайста нолнесазь тевс навигациянь технологиятнень, мезсь лезни касфнемс трудть производительностенц 30 процентта, а стане жа 25 процентта кирьфтамс топливанди, видьмонди, удобрениянди, запчастенди карьхцнень, и макссихть возможность нолнемс тевс техникать шинек-венек. Ужяленди, ня технологиятне нолневихть тевс республикань предприятиятнень аньцек 25 процентсост.
Виияфтома тундань паксянь тефненди анокламась Болшеберезниковскяй, Кадошкинскяй, Теньгушевскяй, Атюрьевскяй и Ельниковскяй райоттнень эса.
Тундань видемань-сокамань тефненди 2017 кизоня велень хозяйствань предприятиятненди эрявксты 11 тежянь тонна дизельнай топлива, 1,5 ттежянь тонна автомобильнай бензин. Хозяйстватне тяфтамса обеспечендафт аньцек 53 процентта. Кальдявста ащихть тянь ширде тефне Атюрьевскяй, Большеберезниковскяй, Теньгушевскяй, Торбеевскяй райононь хозяйстватнень эса.
Мордовиянь аграрийхненди тядде сави пяшкодемс тяфтама задачат:
- кочкамс 1 миллион 330 тежянь тонна сера;
- тяконь лувксса: 150 тежянь тонна кукуруза;
- касфтомс 1 миллион 110 тежянь тонна сахарнай якстеряпс;
- анокламс 30 центнер кормовой единица корма фкя пряти.
Яровой, зернобобовай и фкя кизонь тишетнень видеманкса эрявксты 65 тежянь тонна видьма (5 тежятть тоннась эздост элитнайхть).
Республикань хозяйстватне видьмоса обеспечендафт педа-пес. Видьмотнень кондиционностьсна пачкотькшни 96 процентс.
Тундань видемань-сокамань тефнень пяшкодеманкса эрявксты 50 тежянь тонна удобрения.
Уликссь – 41 тежянь тонна;
Эздост: азотнайда – 37 тежянь тонна;
Сложнайда – 4 тежятть тонна.
Минеральнай удобренияса хозяйстватнень обеспечендамасна пачкотькшни 82 процентс.
Тяда башка, сексенда модати сувафтфоль ни 47 тежянь тонна удобрения. Тячиень шити 50/50 программать коряс сельхозпроизводительхненди нолдаф товарнай кредитть коряс «Развитие села» МР-н7ь ГУП-ть вельде 15 тежянь тонна.
Растениеводствань отраслять задачанза:
Интенсивнай факторхнень вельде велень хозяйствань культуратнень урожайностьснон касфтомац:
- минеральнай удобрениятнень рациональнай и научно-обоснованнай сувафнемасна;
- видьмотнень качестваснон цебярьгофнемац, видьмотнень одкстопнемасна;
- агротехническяй сембе мероприятиятнень пяшкотькшнемасна;
- тиемс касыксненди урматнень и вредительхнень каршес экологическяй ширде безопаснай обработка.
Касфнемс витцеви площаттнень.
Животноводствать 2017 кизонди задачанза.
Тядде эряви нолдамс 287 тежянь тонна траксонь и нармонень сиволь.
Оцю сюра жувататнень лувксснон касфнеманкса эряви получамс 68 тежянь пря вазня.
Тядде эряви нолдамс 1 миллиард 450 миллион ал.
Животноводстваса сатфксонь сатнеманкса эряви обеспечендамс хозяйстватнень качественнай кормаса.
Оцю сюра жувататненди эряви анокламс 1,5 миллион тонна грубай и соку корма. Оцю значенияц васендакиге аф аноклафть лувксоц, а сонь качествац.
Свиноводствать и птицеводствать виияфнеманкса эряви дополнительна 30 тежянь тонна концентрированнай корма, а марстонь вешфкссь пачкоди 700 тежянь тонна комбикормос».