17 кизоса Иван Михайлович доброволецекс тусь Родинать аралама, воевась Белорусскяй фронтса. 1944 кизоня раненияда меле ульсь комиссовандаф. Доблестнай заслуганкса казьф Великай Отечественнай войнань орденса, «За освобождение Белоруссии» медальса.
Сембе войнада мельдень эряфонц Иван Михайлович максозе Кировонь лемса Большеигнатовскяй районса колхозти покодемати. Ръванц Александра Николаевнать мархта касфтсть колма шабат, Иван Михайловичень кота уноконза и кефкие уноконь идьтонза.
Тяниень пингть ветеранц эряй церанц мархта Саранскяйса, кельгсы ётафнемс пингонц мала ломанензон мархта. Пяк кенярдсь республикань Оцюнять мархта васьфтемати, сюконясь Артём Алексеевиченди пичефтеманкса.
Ветерансь тердезе инжить шра вакс, коса корхтамась мольсь илать, солдаттнень, тылонь труженникнень, конат марс сатозь сяськомать, колга. Артём Алексеевич мярьгсь: «Сюкпря теентть и тинь поколениянттенди, конац макссь тейнек эряф и аралазь минь странанеконь фашизмада. Сюкпря
Сяськоманкса! Максоза Шкайсь теентть шумбраши».
Мордовия Республикань Оцюнять пресс-службац