Мордовиянь Оцюнясь Артём Здунов 13 январьста Москуса ульсь Россиянь инновационнай региоттнень Ассоциациязост сувсихнень эрь кизонь пуромкссост — сон ётась Гайдаровскяй форумть пингста. Заседаниять ётафтозе Россиянь инновационнай региоттнень Ассоциацияснон (АИРР) оцюняц Рустам Минниханов.
Корхтафоль территориятнень научно-техническяй виияфнемаснон и стратегическяй ширде эрявикс отраслятнень ширеснон кирнемаснон колга.
Российскяй Федерациянь строямань и жилищно-коммунальнай хозяйствань министрсь Ирек Файзуллин, кона ульсь АИРР-ти сувсихнень пуромкссост, тяшкстазе, што 2021 кизонь покодемать сатфксонзон коряс фкя инь васенце программатне, конатнень Минстройсь ётафнесыне эряфс марса АИРР-ть мархта, пяшкотьфт педа-пес.
«Васендакиге, тя эряма васттнень тевс сувафнемасна — тяса тиф пяк лама. Эрьгавста цебярьгофневсь федеральнай законодательствась», - китькстазе Ирек Файзуллин.
АИРР-ть оцюняц Иван Федотов азондсь 2021 кизонь итокнень коряс и мезть лангс васендакиге шарфтома мяль Ассоциацияти 2022 кизоня. Корхтась од информационно-аналитическяй продукциять — эрь кодама ширетнень коряс региоттнень рейтингснон колга.
Субъекттнень вятисна — АИРР-ти сувсихне 2022 кизонди фкя мяльса тага кочказь Татарстанонь вятить Рустам Миннихановонь Россиянь инновационнай региоттнень Ассоциацияснон Советонцты оцюнякс. АИРР-ти директоркс арафтф Иван Федотов.
Мордовия Республикань Оцюнять пресс-службац