19 октябрьста Москуса рабочай поездка мархта улемстонза Мордовия Республикань Оцюнясь Владимир Волков етафтсь несколька рабочай васедема исполнительнай властень федеральнай оргаттнень эса.
Россиянь финансонь министрть васенце заместителенц Леонид Горнинонь мархта корхтамась мольфтевсь республиканскяй бюджетть сбалансированностенц обеспечендаманц колга, а стане жа странань Президентть мархта азф национальнай проекттнень эряфс етафтомаснон коряс регионть и РФ-нь Минфинть марстонь работаснон квалма.
Федеральнай казначействань вятить Роман Артюхинонь мархта васедемаса башка оцю мяль шарфтфоль национальнай проекттнень пяшкодеманкса республикань бюджетнай системать работаманц мархта сотф кизефксненди, государственнай и муниципальнай финанснень эффективнайста вятемаснонды.
Мордовия Республикань Оцюнять пресс-службац