Мордовиянь Оцюнясь Владимир Волков 27 октябрьста етафтсь рабочай васедема «Норов» агрохолдингть вятиенц Александр Поздняковонь мархта. Корхтамась мольфтевсь компаниянь группать тяддень работанц итогонзон колга, а стане жа Кочкуровскяй районца велень хозяйствань производствать виияфнеманц коряс сяда товолдонь планцнон квалма.
Кода азозе Александр Поздняков, 9 ковонь итокнень коряс группань компаниять работань пцтай сембе ширензон коряс сатф касома: кассь лофцть, сивольть, колбаснай изделиятнень производствасна, молочнай стадать продуктивностец.
«Мзяра ули потяф фкя траксста тиньцонт кизоньберьф – 10,5 тежянь килограмма? Тя цебярь результат», - мярьгсь Владимир Волков.
Эрь кизоня агрохолдингсь касфнесы индейкать производстванц – сентябрьста республикань Оцюнясь ульсь предприятияса и ванозе од производственнай корпуснень строямаснон, конат улихть сувафтфт тевс 2021 кизоть васенце кварталстонза и максыхть агрохолдингти касфтомс индейкать производстванц 3 тежятть тоннас.
«Тяниень пингть мзяра нолятада индейкада?» - кизефтезе Владимир Волков.
«Тяни 2,5 тежянь тонна, но мишендьсаськ сонь пяк лац: и Мордовияса, и лия региоттнень эсовок», - мярьгсь Александр Поздняков.
Производствать келепнемац максси возможность панчсемс од рабочай вастт – 9 ковста панчф 35 рабочай васта.
«Од производственнай площадкатне – тя дополнительнай рабочай вастт велеса. Тейнек тя пяк важна, сяс минь карматама кирнемонза республикань райоттнень эса инвестиционнай проекттнень эряфс етафтомаснон ширенц», - мярьгсь Владимир Волков.
Агрохолдингсь кирнесы районца и социальнай сферать ширенц. Тяфта, тядде аф емла средстват – 14 миллионда лама цалковай – «Норовсь» нолдась «Вечная память защитникам Отечества» мемориальнай комплексть строяманкса, а стане жа Николай Чудотворецонь храмонц и Семилей велеса святой источникть петеманкса.
Рабочай васедемать пингста республикань Оцюнясь стане жа кирдезе агрохолдингть работаса од направлениять – туризмать виияфнеманц ширенц. Кода пачфтезе Александр Поздняков, тяниень пингть аноклави Кочкуровскяй районца Карнайскяй водохранилищать территориянц виияфнеманц коряс бизнес-планць. Арьсекшневи панжемс тоса оцюфненди и шабатненди ваймосемань вастт, конатнень лангс шарфтольхть мяль лия региононь туристтне.
Мордовия Республикань Оцюнять пресс-службац