Мордовиянь Оцюнясь Владимир Волков 23 октябрьста видеосвязень режимса примась участия совещанияса, конань етафтозе ПФО-са РФ-нь Президентть полномочнай представителец Игорь Комаров округонь субъекттнень оцюняснон мархта. Совещаниясь лемтьфоль социально-экономическяй и общественно-политическяй кизефксненди.
Совещаниять ушедомста Игорь Комаров макссь вал Государственнай регистрациянь, кадастрань и картографиянь Федеральнай службать (Росреестр) вятиенц заместителенцты Алексей Штейниковонди, кона азондсь эряфс етафтови проекттнень колга, фкясь конатнень еткста «Наполнение Единого государственного реестра недвижимости необходимыми данными» проектсь. Етамок основной повесткати, Игорь Комаров азсь благодарностень валхт ПФО-нь региоттнень оцюняснонды Вайгялень максомань единай шити анокламать и етафтоманц коряс эффективнай работанкса и нинге весть поздравляндазень Рустам Миннихановонь, Олег Николаевонь, Дмитрий Махонинонь и Иван Белозерцевонь кочкаматнень эса сяськомаснон мархта.
«Региононь сембе окрукнень эса етафтф 2,5 тежянь избирательнай кампания, полафтф 23 тежянь мандат и кочкави должность. Округть эзга средняй явкась пцтай 43 процент», - мярьгсь полномочнай представительсь.
Совещаниять пингста полпредсь и ПФО-нь субъекттнень оцюнясна мольфтсть корхтама COVID-19 урмаса сярядихнень пчкафтомаснонды ПФО-нь региоттнень здравоохранениянь системать анокшинц колга.
«Инфекциясь стаки келемкшни, 24 августста сявомок целайнек округть эзга коэффициентсь ашезь валгонда 1 алу, 22 октябрти арась 1,08. Урмань активнай случайхнень талекасна кассь 15,9 процентста 11-12 сентябрти 20 процентста 22 октябрти», - азозе Игорь Комаров.
Тячиень васенце задачатнень еткса, РФ-нь Президентть полпредонц мяленц коряс, - Россиянь Минздравть рекомендациянзон пяшкотькшнемасна. Игорь Комаров китькстазе, што эряви шарфтомс мяль больницяса васттнень лувксснон касфнеманц, а стане жа плановай медицинскяй лезксть доступностенц касфнеманц лангс.
Башка мяль, полномочнай представительть валонзон коряс, шарфтома эрявикс лекарственнай препараттнень рамамаснонды: «Федеральнай уровеньца примафт мерат, конат водендафт COVID урмать пчкафнеманкса лекарстватнень рамаманкса региоттнень бюджетснон и ОМС-ть средстванзон карьхцямаснон эффективностьснон касфнеманкса», - китькстазе Игорь Комаров.
Стане жа полпредсь азозе, што эряви касфнемс коронавируснай инфекциять лангс тестированиять и лабораторнай диагностикать, штоба эсь пингстонза мушендомс урмать. Тянь мархта сотф сембе кизефкснень нинге арьсекшневи ваномс полномочнай представительть видеса Советть заседанияса ноябрь ковть песта – декабрть ушетксста, коса примайхть участия Россиянь Минздравсь, Роспотребнадзорсь и властень лия федеральнай оргаттне.
Корхтамок школьникнень пси ярхцамбяльса обеспечендамаснон колга, Игорь Комаров лятфтазе, што задачась путфоль Россиянь Президентть Владимир Путинонь мархта Федеральнай Собранияти Посланиянц эса, и тянь коряс кизефкснень сяда лац-ряц ваноманкса пуроптф Оперативнай штаб, коза сувафтф полпредть аппаратонц представителец. Игорь Комаров шарфтозе субъектонь оцюнятнень мяльснон сянь лангс, што региоттненди эряви макссемс видексонь даннайхть, конатнень нолясыне тевс Минпросвещениясь Россиянь Правительствати эрь ковонь докаладонц анокламста. Коронавирусонь пандемиясь, полпредть валонзон коряс, сталгофтозе тядде и окружной общественнай проекттнень эряфс етафтомаснон. Тяка пингть, кода китькстазе Игорь Комаров, удалась панжемс од возможностть од ломаттнень и граждаанскяй обществать мархта работать коряс: «Оцю уровеньца дистанционнай форматса етафтф «iВолга» ПФО-нь Од ломанень форумсь, онлайн-режимса арьсекшневи етафтомс «ВЕРНУТЬ ДЕТСТВО» уроз шабатнень ширеснон кирдеманкса водендаф проектть окружной этапонц. Стане жа минь арьсекшнетяма, што лац няфтьсы прянц «ФормАRT» ульцянь искусствань од проектсь.
Совещаниять пингста оцю должностной лицатнень мархта ванфтольхть тяниень пингонь и лия кизефксне, конатнень кирдьсыне контроль ала полномочнай представительть аппаратоц, - аварийнай эряма вастста ломаттнень етафтомасна, энергоресурсонь потребительхнень пандомань дисциплинаснон касфнемац, граждаттнень праваснон араламасна, коррупционнай правонарушениятнень профилактикасна.
Мордовия Республикань Оцюнять пресс-службац