7 августста Саранскяйса ëтась Мордовия Республикань Оцюнять Артём Здуновонь Москувонь, Московскяй областень и местнай бизнес-сообществань деловой объединениятнень представительснон мархта васедемац. Мероприятиясь арась предпринимательствать виияфнеманц и бизнесть ширенц кирдеманц коряс кувака пингонь стратегиять колга корхтамань площадкакс.
Васедемать панжемста Артём Здунов китькстазе тяниень пингонь задачатнень пяшкодемаса системнай нежедемать эрявиксшинц: «Минь койс коре васьфнетяма. Тяниень ситуациясь аф тëждя, и эряви лисемс эздонза и молемс сяда тов». Регионть руководителец китькстазе власттнень анокшиснон шарьхкодемс нльне инь стака ситуациятнень и фалу кирдемс соткст бизнесть мархта уполномоченнай ломаттнень вельде.
Артём Здунов азозе, што региононь власттне мольфтихть эрьгав покодема бизнесонь информированиять коряс доступнай площадкатнень, стратегическяй платтнень и Мордовияса оцю предприятиятнень покодемань эсь лацонь ширеснон колга.
Башка мяль шарфтфоль предпринимательскяй сообществать мархта марстонь тевонь вятемань кизефксненди.
Артём Здунов китькстазе: «Сяськомс тердематнень эряви аф точечнайста, а системнай решениянь серьса». Сатф договоренность предпринимательхнень ширень кирдемаснон кемокстаманц колга, конат работайхть маркетплейснень мархта, арьсеф кемокстамс цифровой торговай площадкать мархта важнай соглашения. Башка мяль шарфтф «Система» башка экономическяй зонать касоманцты-виияманцты кода региононь промышленнай касомань драйверонь. Кемокстафт межрегиональнай сотрудничествань механизматне Москувонь и мокшэрзянь бизнес-сообществатнень ёткса.
Республикань Оцюнясь шарфтсь мяль общественнай сембе организациятнень вийснон консолидацияснон эрявиксшинц лангс: «Поладода тевти. Мон - бизнесть ширенц кирдеманкса. Фкя-фкянь мархта сотфтама».
Мордовия Республикань Оцюнять Пресс-службац