Мордовиянь Оцюнять аф лама пингс тевонзон тиендисна Артём Здунов 21 июльста Москуса васетькшнесь «Корпорация Туризм.РФ» АО-ть генеральнай директоронц Сергей Сухановонь мархта.. Корхтамась мольфтевсь республикаса туризмать виияфнеманц колга. Васендакиге корхтафоль Мордовия Республикать территорияса «Арзамас – Дивеево – Саров» паломническо-туристическяй кластерть проектонц эряфс етафтоманц рамкаса мероприятиятнень колга.
Лятфтасаськ, тяддень январь ковста Мордовиянь Оцюнять аф лама пингс тевонзон тиендисна Артём Здунов и Нижегородскяй областень губернаторсь Глеб Никитин кемокстасть туризмань сфераса и «Арзамас – Дивеево – Саров» и «Саранск – Темников – Санаксарь» паломническо-туристическяй кластерть виияфнеманц коряс проектть эряфс етафтомаса сотрудничендамать колга соглашения. Соглашениять мяльс сявондезь Мордовиясь и Нижегородскяй областсь кармайхть мольфтема марстонь работа межрегиональнай туристическяй маршруттнень анокламаснон и содафокс тиендемаснон, предпринимательскяй активность виияфнеманкса условиянь тиендемать коряс. Тя проектть эряфс етафтомац максы касфтомс Темниковскяй районть туристскяй и инвестиционнай превликательностенц, лезды виияфтомс тя территориять социально-экономическяй ширенц.