Мордовиянь Оцюнять аф лама пингс тевонзон тиендисна Артём Здунов шавшиста, 1 декабрьста, ульсь агропромышленнай выставкаса Мордовэкспоцентраса. Тяса няфтьфоль пцтай сембось сянь эзда, мезе касфнихть Мордовиянь аграрийхне, а стане жа велень хозяйствань переработкань лама продукция. Артём Здунов содафтсь республиканскяй производительхнень товарснон мархта, корхтась производствать сяда товолдонь виияфнеманц колга.
«Октябрьская» агрофирмань вятить республикань Оцюнять аф лама пингс тевонзон тиендисна кизефтезе, участвондайхть-аф синь шабатненди пси ярхцамбялень анокламаса. Получафоль ответ, што участвондайхть активнайста, тяда башка, пачфнесазь продукцияснон республикань пчксемань учреждениятнендивок. Школьникненди ярхцамбялень анокламаса участвондайхть Мордовиянь лия товаропроизводительхневок.
Республикань Оцюнять аф лама пингс тевонзон тиендисна макссь оценка АПК-нь и переработкань республиканскяй предприятиятненди, тяконь лувксса феремерскяй хозяйстватненди, конат заняфт лофцонь, сыронь производстваса, кирнихть мешт, водендакшнихть осетрат и сопт и стак тов.
«Пяк цебярь выставкась, максси шарьхкодемс Мордовиять велень хозяйствань и перерабатывающай отраслять. Няйса, што потенциалсна республиканскяй производительхнень оцю!» - мярьгсь Артём Здунов.
Мордовия Республикань Оцюнять пресс-службац