4 августста Мордовиянь Оцюнять аф лама пингс тевонзон тиендисна Артём Здунов васетькшнесь Российскяй Федерациянь Омба масторонь тевонь министерствань народъётконь сотксонь Москувонь государственнай институтонь студенттнень мархта. Синь састь Темниковав святой праведнай воинть Феодор Ушаковонь канонизацияста 20 кизонь топодемать тяшкстоманцты.
Великай флотоводецсь сувась российскяй государствать историязонза кода адмирал, кона вестевок апак сяськтоль. Фкявок сонь мотросоц тюрематнень пингста апак сяфтоль пленц. Тяда башка, военачальниксь ульсь эрьгав государственнай политикокс и пяк цебярь дипломатокс. Сяс тяни МГИМО-нь студенттне састь мяльс самс канонизациянц тяшкстоманцты.
Синь макссть республикань вятити кой-кодама кизефкст. Фкя студентсь азсь мяль Артём Алексеевиченди ётафтомс вузса Мордовия Республикань шит. Региононь вятись мярьгсь, што власттне обязательна ётафтсазь эряфс студенчествать мяленц.
Мордовия Республикань Оцюнять пресс-службац