27 декабрьста Мордовиянь Оцюнясь Артём Здунов васетькшнесь «Аф кули ломанень марнек Россиянь обществать» региононь отделениянц оцюнянц Ольга Зубаровскяйть мархта. Корхтафоль аф кули ломаттненди связень диспетчерскяй службать покодеманц эреклафтоманц колга. Пуромксса ульсть МР-нь Правительствать Оцюнянц полафтыец Галина Лотванова и региононь министорхне.
Диспетчерскяй службась ушедсь покодема Саранскяйса 2017 кизоня. 2019 кизоть кучкаста покодемац лоткафтфоль, сяс мес ашель финансирования республикань бюджетста. Тя пингста примафоль 1588 заявка, конат сотфтольхть эрь кодама услугань сатомать, оперативнай службатнень тердемаснон мархта.
Артём Здунов мярьгсь МР-нь социальнай араламань, трудть и населениять заняфшинц коряс министрти Игорь Князьковонди и МР-нь цифровой касондомань-вииякшнемань министрти Игорь Вольфсононди петемс-тиемс покодеманди эрявикс сембе оборудованиять. Диспетчерскяй центрать одукс тевс сувафтомац ули сявф башка контроль алу.
Мордовия Республикань Оцюнять пресс-службац