Участникнень ёткса – 25 компаниясь Мордовияста: тя промышленнай и перерабатывающай предприятиятне, ёмла предпринимательствань представительхне.
Мордовиянь Правительствать Председателец Владимир Сидоров няфтезе Беларусь Республикань Премер-министрти Леонид Зайценди Мордовиянь производительхнень продукцияснон, тяконь лувксса экологическяй ширде ару ярхцамбяльхнень. Стане жа участникне ванозь минь республикань промышленнай предприятиятнень стендснон.
Выставкать пингста Владимир Сидоров васетькшнесь «Гомсельмаш» ОАО-ть генеральнай директоронц Александр Новиковонь, «Минский тракторный завод» ОАО-ть генеральнай директоронц Виталий Вовконь и «МАЗ» ОАО-ть генеральнай директоронц Валерий Иванковичень мархта. Путфтольхть подписьт Мордовиянь Правительствать и Белоруссияста специализированнай техникань производительхнень ёткса сотрудничендамать колга соглашениятнень алу.