Региональнай Минпромть пачфтеманц коряс, 9 ковста производствань объёмтне промышленнай предприятиятнень эса 15 процентта кассть ётай кизонь уровенть коряс.
Ётафтф оцю работа импортонь полафнемать и региональнай кооперациять виияфнемаснон коряс.
Васендакиге республикань Оцюнясь макссь поручения сявомс башка контроль алу гособоронзаказть, конань эса примайхть участия региононь ламоц предприятиятне, пяшкотькшнеманц.
«Сяда товолдонь аськолксокс должен арамс од рынкатненди лисендемась, - китькстазе Артём Здунов. - Касонды вешфкссь продукцияти, кона эряви мобилизованнайхнень обеспечендаманкса. Минь задачаньке — ваномс сембе варианттнень, шарфтомс производствать лия ширетненди и касфтомс продукциять лувксонц путф задачатнень пяшкотькшнеманкса».
Тяфтама кепотькст республикаса улихть. «Спрутс» предприятиять руководителец Александр Ширяев азозе, кода удалась курокста ётамс спортивнай щамонь производствать эзда спальная кяскавонь и боецненди лия амунициянь нолямати. «Октябрь ковть ушетксста минь пяшкодеськ мобилизованнай цёраньконди заказть, тяни аноктама работамс кооперацияса лия предприятиятнень мархта, конатненди эрявихть стамать коряс услугат», - мярьгсь сон.
Мордовиянь Оцюнясь спасибась предприятиянь сембе руководительхненди, кие ашезь ляда ширеса и примась участия боецоньконди гуманитарнай лезксонь примамаса. «Оцю сюкпря теенть ширень кирдеманкса», - мярьгсь Артём Здунов.
Заседаниять пингста крхкаста корхтафоль производительхнень ширеснон кирдеманц колга. МР-нь промышленностень, наукань и од технологиянь министрсь Игорь Губайдуллин отмечазе: тяниень условияса, мзярда закаснень лувкссна касонды, эряви эсь пингстонза решандакшнемс производствать оборудованияса-мезьса козякофнеманц коряс кизефксть. Тядде удалась водендамс средстват од промышленнай предприятиятнень од оборудованиянь рамаманкса карьхцьснон пяльксснон мрдафтоманкса, ширень кирдемань тя мерась кармай работама сяда товга. Тянди водендаф Мордовиянь промышленностень виияфнемань Фондське. Сонь докапитализацияц максы ноябрьста нолдамс предприятиятненди нинге 426 миллион цалковай.
Стане жа заседанияса ванфтольхть кадровай обеспечениянь кизефксне и промышленнай объекттнень эса безопасностть обеспечендамац.
Мордовия Республикань Оцюнять пресс-службац