Республикань Оцюнясь китькстазе: ваномок тяниень пингонь геополитическяй ситуациять лангс, исламскяй миронь государстватне арсихть сяда надежнай Россиянь партнеркс, синь етксост и Мордовиянь. Тяни республикань экспортонь долясь исламскяй сотрудничествань Организациянь странатненди - 55% - мекольце кафта кизотнень сон кассь 1,6 лангс.
ОАЭ–в саразонь сиволень экспортть касфтомань-виияфтомань обсуждениять пингста ётась «Торговай кудтть «Фуд Экспортть» презентацияц - халяльнай продукциянь официальнай экспортерть, конац ноляви Россиянь инь оцю сиволеньперерабатывающай комплекснень эзда фкять эса - «Чамзинская» птицефабрикать. Агрофирмась 2016 кизоста сявомок ноляй цебярь продукция «Халяль» стандартть коряс «ЭКО Халял» мишендемань маркать ала.
Артём Здунов тяфта жа китькстазе, што республикаса нинге кафта предприятият ноляйхть «халяль» продукция: ООО «Мечта» - лофцонь продуктат (ультрапастеризованнай лофца и ланга), ООО «Биосфера» - органическяй продукция.
Ширетне корхтасть тяфта жа республикань промышленнай продукциянь поставкань возможностть колга – грузовой вагононь, контейнеронь и вагононь каямань компаниять «РМ Рейл»-ть, фанерань и сонь эздонза паршихнень вяти шуфтообрабатывающяй Мордовиянь «Плайтерра» предприятиять, «Оптикэнерго» кабельнай продукциянь компаниянь пуромксть, «Электровыпрямитель»-ть оптическяй волокнань и пялепроводниковай продукциять,«Биохимик» лекарственнай препаратонь компаниять мархта.
«Минь цельнеке и сяда тов касфнемс-виияфнемс исламскяй миронь странатнень мархта сотрудничествать, Объединеннай Арабскяй Эмирататнень мархта», - китькстазе Мордовиянь Оцюнясь. Сон тердезень ОАЭ-та коллегатнень Мордовияв сяда церять содамать инкса промышленнай и велень хозяйствань республикань потенциалть мархта.
Васедемаса примасть участия РМ-нь Правительствать Председателенц полафтыенза Наталья Таркаева и Батыр Эмеев, РМ-нь экономикань, мишендемань и предпринимательствань министерть и.о.-ц Иван Горин, РМ-нь велень хозяйствань и продовольствиянь министрсь Антон Илюшкин, «Торговый Дом «Фуд экспорт»-ть директороц Руслан Ариков и ООО «Край земли»-ть учредителец Александр Земченко.
Мордовия Республикань Оцюнять пресс-службац