Мордовиять столицаса Сяськомань площадть лангса етась митинг-реквием, лятфтамс мялямть воинть-освободительть подвигонц колга састь 15 тежянтть малава ошэряй и ошень инжи. Почётнай васттнонь традиционно занязь ветераттне. Илати тяфта жа ульсть тердьфт СВО-нь участникне и синь семьясна.
Республикань руководительсь путозе 9 Майть прявкс странань илакс: «Тячи – великай, священнай ши, конац эряй кажнайть седиса. Нят шитнень, минь илякс марясаськ эсь радня шиньконь, тячи минь – фкя оцю семия. Сяськомань Шись марстопнесыне сембе поколениятнень, конат ванфнесазь мялямть аляньконь, атяньконь, атяньконь атяснон, конат кирдезь Россиять сетьмешинц, лоткафтозь эхянь кяжи врагть минь историясонк. Кельгома ветератт! Мода ваксс теентть поклон! Тяни масторсь, аралафсь фашизмать эзда, ашезень путота мяльсь ня урокнень. Ламоц странатне тяряфнихть тяштемс лия видеши, арьсемс од геройхть, кяшемс аф пара историнь лопаснон. Но минь аф васькафтофтама! Тя историясь тяштьф минь аляньконь и атяньконь верснон мархта. А сянкса синь уноксна тяни арасть Родинать аралама. Минь тюрьхтяма историческяй справедливостть инкса, эсь питнишиньконь инкса, предканьконь мялямснон инкса, странаньконь вандыень шинц инкса. Сембе рузонь Масторть инкса. Вестенге нинге Великай Отечественнай войнать аделамда меле фашизмась ашезе кепсе прянц тяфта панжадста и визьксфтома. Но и эхянь од Россиянь историяса нинге вестенге ащесть уль тяфтама виихть и сплоченайхть минь ряднеке. Минь странанеконь фкя Президентоц и фкя Сяськомац – фкя сембонь лангс. Минь кочкаськ эсь киньконь. Увереннаян вандыень шить эса. Мольхтяма фкя командакс, фкя стройса, пяшкотькшнесаськ марс Верховнай главнокомандующай приказонц. Кода и фалу, ичкоздень сороковойхнень, тяни героень пинге. Добровольцне тага молихть фронту. Минь лац синь содасайнек – тя минь ялганеке, одноклассниконеке, покоди ялганеке, мала ломаннеке. Провожсесайнек синь марса и васьфнесайнек геройкс – коста-коста, кулофста. Тячи мархтонк ащихть синь мала ломаньсна. Вечнай мялям минь геройнеконьди и мода ваксс поклон сятненди, кие синь касфтозень. Тя минь воиннеке, конатнень инкса минь кенярдттямя, конатнень кирьдсыне сембе Мордовиясь, сембе оцю странеке. Кемонь тежятть ломань эрь кодама кизонь и профессиянь, минь бизнесоньке фалу кочкси лезкс передовойть лемс. Минь враченьке, правоохранительнай оргаттне, госслужащайхне, строительхне, священнослужительхне фалу якайхть тоза, кося тяни стака обстановкась».
Мордовиянь Оцюнясь китькстазе: афкуксонь геройхне, сяськихне фалу лядыхть минь седисонк.
«Синь, кода ангелхт, специальнай военнай операциянь зонаса боецнень копорьснон фтала. И минь цераньке кирдихть лангозост равнения. А нинге синь - «Бессмертнай полксот». Мондеень тя оцю честь максомс эстафетать минь од ламаннеконьди - «Сяськомань Волонтерхненди», «Васенцекснень Движенияснонды», поисковой отрядонь боецненди, кадеттненди, казакненли, юнармейцненди, сембе цератненди и стирхненди, конат ащихть тя площадкать эса. Именнп теентть, кельгома идтть, сави ванфтомс видешить Великай Сяськомать колга. Атяньке кадозь тейнек ванфтомс сетьмешить и свободать, и минь араласаськ странать эрь кодама връгятемада. А сянкса верондан, што эрьти эздонтт, минь уноконттенди и уноконттень унокснонды 9 майсь кармай прявкс илакс. Слава народти-сяськити!» - мярьгсь Артём Здунов.
Торжественнай митингть пингста ульсь каземань церемония. Российскяй Федерациянь Президентть Указонц коряс отваганкса, эсь прянь аф ужяльдеманкса и мужестванкса, конат ульсть няфтьфт боевой действиятнень пингса и Российскяй Федерациять государственнай интерезонц ванфтоманкса, Жуковонь медальса казьф Николай Тазин - специальнай военнай операциянь участниксь Зубово-Полянскяй районцта.
Сяськомань Илать мархта сембонь поздравляндазень специальнай военнай операциянь участниксь Сергей Шаев.
«Сяськомань Шись – тя прявкс илась монь эряфсон. Тя эхянь великай датась эрь россиянинтти. Минь атяньконь подвиксна арась цебярь кепотьксокс теень и сембе тяниень аралайхненди. Передовойса ащезь, мон и монь боецоне эрь минутане шарьхкодьсаськ, што ащетяма минь великай странеконь суверенитетонц инкса. Сянкса Отечествась тейнек – тя минь тядяньке, аваньке, иднеке, конатнень сетьме онцнон минь кармата ванондомонза ся пингти, пока шавихть минь сединьке. Эрь минутане, минь марясаськ мала ломаньнеконь кирдемаснон, сянкса честь и достоинства мархта минь пяшкотькшнесайнек путф задачатнень. Мархтон марса передовойса Мордовияста боецне ащихть лафтуса лафтус. Виихть, аф пелихть. Аньцек тоса шарьхкодьсак, алянь ялгаксшить аф куксонь значениянц, воинскяй братствать, койхнень, питнишитнень и православнай верать. Минь, солдаттне, обещандатама: врагсь кармай колаф, сяськомась кармай мельганк», - китькстазе сон.
Ялгинскяй средняй школань тонафнись Анастасия Пахомова, специальнай военнай операциянь участникть стирец, мярьгсь: «Мон и монь семьязе сюконятама и лятфнесаськ мялямснон сембонь, кие кирдезе тейнек сетьмешить - Великай Отечественнай войнань ветераттненди. Синь ётксост монь атязень аляц Беленков Илья Михайлович, конац воявась Ленинградскяй фронтса 1941 - 1942 кизотнень и шавовсть. Минь аф содаськ коза сон калмаф. Тячи сяськиень поколениясь мольфтьсы минь атяньконь боевой славань тевснон специальнай военнай операциять фронтонзон эса. Фкакс тяфтама ломаттнень эзда арась монь алязе, Пахомов Максим Петрович, конац мужественна и эсь прянь аф ванфтозь аралакшнесыне Луганскяй и Донецкяй народнай республикатнень. Сон тусь войнав 5 октябрьста 2022 кизоня. Минь семьяньке пяк пичеди сонь инксонза,но минь шарьхкодьсаськ, конашкава эряви сонь путфксоц марстонь сяськомати. Монь алязе рядовой, но теень сон афкуксонь герой, мон инксонза кенярдян. Мон одноклассниконень мархта фалу участвовандакшнетяма «Письмо солдату» акциять эса. Тиендтяма окопнай штатолхт и коцсетяма маскировочнай сетть. Мон арьсян, што тя минь святой обязанностенеке - лездомс мала ломаненьконди тяфтама стака пингть. Ила мархта,кельгома ветератт и мордовиянь эряйхть»
Великай Отечественнай войнань кизотнень Мордовияста фронту тусть 246 тежянь ломань. Эрь омбоцесь меки ашезь са. Воиттнень монументснонды - республикаса шачихненди, Великай Отечественнай войнань кизотнень шавфненди, ульсть путфт пачфт. Мялямть колгаст почитандазь кашт аф моли минутаса.
Митингта меле Сяськомань Площадьса етась илать лемс парад. Торжественнай маршса ётасть военнослужащаень расчеттне, МЧС-нь и Росгвардиянь сотрудникне, кадеттне и юнармейцне. А эхянь одтне шумордазь колоннать эхянь од парадонь участникне - ошень дошкольнай учреждениянь тонафнихне.
Слава народти-сяськити!
Великай Сяськомань Илать мархта!
Мордовия Республикань Оцюнять пресс-службац