Артём Здунов китькстазе тя кизефксть решандаманц эрявиксшинц: «Проектоньконь ширеснон кирдеманкса заявкань максомста федеральнай центрать мархта работань вятеманкса эряви цебярь качестваса аноклакшнемс проектно-сметнай документациять, и эсь пингстонза получсемс госэкспертизать заключениянц. Специализированнай институтть улемац – тя эрявиксши», - отмечазе региононь руководительсь.
Мордовиянь Правительствать Председателенц заместителец Инсаф Хайруллин пачфтезе, што тиф сембе ширдень анализ проектированиянь сферати, тяконь лувксса кадровай потенциалти, тонафнефт Россиянь региоттнень инь цебярь практикасна. «Проектнай работатнень марстонь питнесна регионть эзга арась пцтай 400 миллион цалковай кизоти. Тя нацпроекттнень эряфс ётафтомаса, эряма вастонь, кинь строямаса, школань и социальнай сферань лия объектонь петемаса федеральнай программатнень коряс работа», - азозе республикань Правительствань зампредсь.
Сон азсь несколька вариант кизефксть решандаманкса, тяконь лувксса Н.П.Огарёвонь лемса МГУ-нь или мордовскяй проектно-изыскательнай институтонь специалисттнень и материально-техническяй базать тевс нолязь.
Васедемаса азфоль мяль кемокстамс кандидатура Мордовиянь и Саранскяень Главнай архитекторонь должности.
Артём Здунов кошардсь пшкядемс «Монь Мордовиязе» конкурсонь сяськихненди. «Главнай архитекторсь – специалист, кинь экспертнай арьсеманза сявовихть мяльс васендакиге», - мярьгсь республикань Оцюнясь.
Мордовия Республикань Оцюнять пресс-службац