Эрь кизоня конкурсне няфнесазь республикань промышленнай и велень хозяйствань предприятиятнень анокшиснон нолямс вешеви и конкуренциянь кирни продукция, кона отвечай качествань стандарттненди и экологическяй безопасностти. Синь лезнихть тиендемс содафокс Мордовиянь производительхнень брендснон странань рынкаса и Таможеннай союзонь единай экономическяй пространстваса. Мордовияста ярхцамбяльхне мишендевихть Россиянь 80 регионца и миронь пцтай 30 странаса.
«Важна, што республикать уровеньца ули тяфтама конкурс, кирневи предприятиятнень и организациятнень ширесна. Эсонза примсихть участия экономикань пцтай сембе секторонь представительхне, тяконь лувксса ёмла и средняй бизнессь. Тя цебярь пример сянди, што ули венемома касфтомс качествать и цебярь маркетинговай аськолкс сяда товолдонь работанкса – мярьгсь Артём Здунов.
Сон стане жа китькстазе, што товархнень содафокс тиендеманкса сембе условиятне республикаса тифт. Росстандартть мархта мольфтеви кеме сотрудничендама.
«100 лучших товаров России» всероссийскяй конкурсонь комиссиясь 2021 кизонь итокнень коряс отмечазе республикань кафта предприятиятнень продукцияснон, теест максфтольхть казнет. Ярхцамбяльхнень качестваснон и безопасностьснон коряс сатфксонкса «Вкус качества» призть получазе «Новомилк» продукциясь – термостатнай вайвелезсь, «Цветлит» кабельнай заводти максф «За заслуги в импортозамещении» призсь. Предприятиятне стане жа казьфт конкурсонь почётнай дипломса – «Золотая сотня».
«За достижения в области качества» почетнай знаксь максф химическяй машиностроениянь Рузаевскяй заводть управляющай директоронцты Валерий Ларинонди, «Магма Керамик» ООО-ть директоронцты Олег Саушинонди.
Артём Здунов макссь «Гордость Республики Мордовия» почётнай прист химическяй машиностроениянь Рузаевскяй заводти и «Лидер качества Республики Мордовия» - «Новомилк» ООО-ти.
«100 лучших товаров России» Всероссийскяй конкурсонь итокнень коряс лауреатонь дипломса «Продовольственные товары» номинацияса казьфт «Консервный завод Саранский» АО-сь, «Авангард» ООО-сь, «Сыродельный комбинат Ичалковский» ООО-сь, «Ромодановсахор» ООО-сь и «Ликёроводочный завод Саранский» ООО-сь.
«Тяфтама конкурснень эса участвондамать оцю лезксоц Мордовиянь товархнень российскяй уровеньц лихтемасост. Сон кошарясыне предприятиятнень коль цебярьгофнемс продукциять качестванц», - мярьгсь Мордовиянь Првительствать Председателенц васенце заместителец Игорь Фрейдин.
Стане жа тифтольхть итокт «Лучшие товары Мордовии» республиканскяй конкурсти. «Продовольственные товары» номинацияса лауреатонь Дипломса казьфт «Саранский комбинат макаронных изделий», «Мечта» ООО-сь и «Рузово» ЗАО-сь.
«Государственный региональный центр стандартизации, метрологии и испытаний в Республике Мордовия» ФБУ-ть директоронц тевонзон тиендисна Николай Ерганжиев отмечазе, што Мордовиясь сяда тов лядонды промышленнай и велень хозяйствань оцю потенциал мархта регионкс. Сон макссь казнет «Лучшие товары Мордовии» конкурсонь лауреаттненди.
«Продукция производственно-технического назначения» номинацияса казьф ЭМ-КАБЕЛЬ-сь, «Орбита» АО-сь, «Магма Керамик» ООО-сь, «Технологическая Компания «ЖНФ» ООО-сь и «Лембе» ООО-сь, «Услуги для населения» номинацияса – П.Г.Смидовичень лемса Мордовскяй государственнай природнай заповедникть объединеннай дирекцияц и «Смольный» национальнай парксь, Легкай атлетикать коряс олимпийскяй резервань спортивнай школась, Шамиль Тарпищевонь теннисть коряс олимпийскяй резервань спортивнай школась. «Товары и услуги для детей» номинацияса лауреатонь диплопне максфт «Саранск ошень округонь «Идень пищевой станцияти» и Рузаевскяй райононь од ломанень политикань и туризмань центрати.
Мордовия Республикань Оцюнять пресс-службац