Мордовиянь Правительствать Председателец Владимир Сушков видеоконференцсвязень режимса етафтсь совещания, кона лемтьфоль населенияти государственнай и муниципальнай услугань максомать качестванц цебярьгофнеманцты.
Од коронавируснай инфекциять келемомста многофункциональнай центратне Мордовиять территорияса работайхть инголенди серматфтомать коряс телефононь пачк или МФЦ-ть сайтсонза.
Лиятнень коряс сяда пяк республикань эряйхнень ширде вешевихть недвижимай имуществать государственнай кадастровай учетонц и недвижимай имуществать лангс праватнень государственнай регистрацияснон коряс услугатне, недвижимостень Единай государственнай реестрать эзда сведениянь максомась, улемань и эрямань вастть коряс граждаттнень регистрационнай учетсна, Российскяй Федерациянь гражданинонь паспортонь максомась и полафтомась.
Владимир Сушков азозе, што республикать территорияса оцю анокшинь режимть сюнеда, кона ладяфоль республикаса коронавируснай инфекциять келемоманкса, аш кода нолдамс общественнай васттнень эса очередень пуромомать, стане жа эряви шарфтомс башка мяль масочно-перчаточнай режимть и социальнай дистанциять ванфтомаснонды.
Мордовиянь Правительствать Председателец макссь поручения арьсемс региональнай сеттнень эса пандомань терминалхнень ладямаснон коряс кизефксть. Стане жа ванфтольхть call-центарть работанц цебярьгофнеманц коряс кизефксне, васендакиге операторть ответонц учендоманкса пингть кирьфтаманкса.