Фестивальсь ётафтови Мордовияса 2023 кизоня. Лятфтасаськ, што тя проектть ширенц кирдезь Россиянь Культурань министерствась, Национальносттнень тевснон коряс Федеральнай агентствась, Росконцертсь, В.Д.Поленовонь лемса народнай творчествань Всероссийскяй Кудсь.
РФ-нь Президентть Владимир Путинонь валонзон коряс, именна культурась «няфнесы странаньконь лама национальностень народонц духовнай, историческяй наследиянц и традициянзон, ащи государствать и обществать важнайдонга важнай юронзон эзда фкясь, лезни од граждаттненди Родинать шарьхкодемаса».
Россиясь – тя 190 народ, конат эряйхть сонь территориясонза. Мордовияса эряйхть 119 национальностень ломатть. «Минь марсотама!» фестивальть рамкаса, кона кармай молема колма шит, арьсекшневи няфтемс Россиянь нароттнень сембе национальнай культураснон, содафтомс странаньконь эряензон народнай ремеслатнень, ярхцамбяльхнень, вераснон и лама мезть лиять мархта.
Корхтамаса примасть участия вице-премьерсь Галина Лотванова, культурань, национальнай политикань и архивнай тевонь министрсь Светлана Баулина.
Мордовия Республикань Оцюнять пресс-службац