3 апрельста «Технопарк-Мордовия» ДАТА-центраса ульсь «Скорай помощень» службать диспетчеризациянь функциянзон обеспечендамаснон коряс автоматизированнай информационнай системать презентацияц, коса участия примась МР-нь Правительствать Председателенц заместителец Галина Лотванова.
Стане жа мероприятияса примасть участия здравоохранениянь министрть заместителец Сергей Саушев, «Госинформ» МР-нь ГАУ-ть директороц Алексей Романов, МР-са «Ростелеком» ПАО-ть филиалонц директороц Игорь Вольфсон, «ССМП» МР-нь ГБУЗ-нь главнай врачсь Дмитрий Якушев и лият.
«Скорай помощть» работаса сидеста васьфневихть сталмот, конат сотфт экстреннай ситуациянь условиятнень и нюрьхкяня пингть мархта. Сяс службать диспетчеризациянь функциянзон обеспечендамаснон коряс автоматизированнай информационнай системать тевс сувафнеманц коряс проектть эряфс етафнемац лезды кирьфтамс пингть, мзярда «скорай помощень» бригадась пачкотькшни сярядити или пациентсь пачфневи маластонь медучрежденияти.
«МР-нь Госсобранияти эсь Посланиясонза Мордовиянь Оцюнясь Владимир Волков путсь задача Ситуационнай центрать строяманц шумордаманц коряс, кона ваны «скорай помощть» работанц мельге, - мярьгсь Галина Лотванова. – Проектсь, конань минь тячи няфтьсаськ, арси полатксокс республикаса здравоохранениянь системать одкстоптоманцты и виияфнеманцты».
«Скорай помощень» службать диспетчеризациянц вельде звонокне, конат тяконь лувксса поступайхть и республикань райоттнень эзда, повихть единай диспетчерскяй службати.
Нолнемок тевс геопозиционированиянь системать, а стане жа няемок эсь инголенза «Скорай помощень» бригадатнень заняфшиснон коряс даннайхнень, получамок системать эзда гайфтить улема вастонц колга сведениятнень, скорай помощть тяда инголе тернеманц коряс историять, диспетчерть ули возможностец примамс решения кучемс сярядити бригадать, кона ащи ломантти сембода мала вастса. Кда эряви, прважамс машина лия регионцта.
Азсаськ, што мекольдень кизотнень Мордовияса тиф оцю работа здравоохранениять материально-техническяй базанц кемокснеманц, специалистонь анокламать, тяниень пингонь медицинскяй центрань панчсемать коряс. Шумордавсь колма уровенень системать тиемац. «Скорай помощень» службать диспетчеризациянь функциянзон обеспечендамаснон коряс автоматизированнай информационнай системать коряс проектть эряфс етафнемаса республиканьке васенцетнень еткса.
«Скорай помощть» стационарнай телефонцта тердеманкса, эряви кочкамс 03, кда гайфтеви мобильнай телефонцта, то эряви кочкамс 103.