Форумть ключевой темац – «Верондамась и марс покодемась». Программаса 12 секция, конатнень ёткса – народъётконь сотрудничествась, спортсь, исламскяй финансне и инвестициятне, туризмась, культурась, бизнезсь, экономикась, кадратне, наукась и технологиятне. Эздост эрть эса няфтьфт презентацият, лекцият, мастер-класст, b2b-васьфтемат и покаряв шрат —сембоц 125 тематическяй сессия.
Мероприятиясь кочкаф Россиять и исламскяй сотрудничествань Организацияв сувай странатнень ёткса мишендемань-экономическяй, научно-техническяй, социально-культурнай сотксонь кемокстамати. Форумс састь 80 лама странань представитель, синь ётксост ОАЭ-ста, Бахрейн Королевстваста, Малайзияста, Турецкяй Республикаста, Иранть Исламскяй Республикаста, Ливияста, а тяфта жа лия государстваста, конат сувсихть исламскяй сотрудничествань Организацияти.
Форумть пингста Артём Здунов кармай участвовандама «Взаимосвязь пространственных данных, строительства и технологий в развитии территорий» и «Развитие товарооборота между Российской Федерацией и странами арабо-мусульманского мира. Привлечение инвестиций в экономику региона» сессиятнень эса, ётафты мзярошка васьфтема и примай участия пленарнай заседанияса. Тяса эксперттне кармайхть корхтама Россиять и исламскяй сотрудничествань Организациять марс покодемаснон колга эрь кодама сфераса и лувсазь форумть покодемань итогонзон.
Мордовиянь дегациять составса форумса покодихть вице-премьерхне Наталья Таркаева, Инсаф Хайруллин и Батыр Эмеев, РМ-нь экономикань, мишендемань и предпринимательствань министрть и.о.-ц Иван Горин, РМ-нь промышленностень, наукань и од технологиянь министрсь Игорь Губайдуллин, РМ-нь велень хозяйствань и продовольствиянь министрсь Антон Илюшкин, РМ-нь од ломанень тефнень коряс Госкомитетть председателец Анастасия Гришнева, «Торгово-промышленная палата РМ» Союзть директороц Ринат Раимов и «Корпорация Развития РМ» гендиректороц Камиль Арсланбеков. Тяфта жа республикать эзда форумса участвовандайхть АПК-нь и промышленностень предприятиятнень представительсна, индивидуальнай предпринимательхть.
Мордовия Республикань Оцюнять пресс-службац