Владимир Сидоров азозе, што 9 ноябрьста тонафнемань ошкятнень эзда фкяса республикаста военнослужащайхне эняльдсть теенза максомс сёрмать Ардатовскяй школань 7 классонь тонафнити Ксенияти. Тяда инголе, «Доброе письмо» всероссийскяй акциять мяльса кирдезь школьницась сёрмадсь ширень кирдемань вал мархта послания цёраньконди. Эсь ответсост военнослужащайхне спасибайхть стирняти седиста моли лямбе валонзон инкса.
Александр Антипов надияфтсь лична максомс боецнень ответснон Ксенияти.