Мордовиянь Оцюнять аф лама пингс тевонзон тиендисна Артём Здунов 14 сентябрьста «Radisson» отельса васетькшнесь республикань бизнес-сообществань представительхнень мархта. Тяса ульсть Мордовиянь Правительствать, профильнай министерствань, Саранск ошень округонь администрациянь, республикань прокуратурань и налоговай службань представительхне, Мордовия республикаса ломанть праванзон коряс Уполномоченнайсь.
Корхтафоль бизнесть вятеманц колга кода Саранскяйса, стане и райоттнень эса. Васедемать пингста примафтольхть решеният, тяконь лувксса импортть ширенц кирнеманц коряс Центрать панжеманц, «Агростартап» программас коре грантовай лезксонь получаманкса заявкань максомать и обработкаснон коряс цифровой сервисть тиеманц коряс.
Ванфтольхть и прябалатне.
Мордовиянь Оцюнять аф лама пингс тевонзон тиендисна китькстазе, што кизефксне аф аньцек ванондомат, но и решандакшнемат и тя тиендема сяда курокста. «Кда тевсь сотф бизнесть, административнай перяфкснень сяськондемаснон мархта – тя тяза, тя площадкати, карматама лезнема», - мярьгсь Артём Алексеевич.
Предпринимательхне, кинь кизефкссна сявфтольхть ваномс, лисендсть васедемаста кепотьф мяльса.
«Пара мялезон, мес тяни тейнек ули кода пшкядемс прябаланьконь мархта видеста республикань вятити – тя пяк питни, - мярьгсь индивидуальнай предпринимательсь Наталья Батраченко. – Конно-спортивнай базаньконь видеса минь ётафттама эряфс социальнай проектт, сяськонттяма грантт, но тейнек пяк аф сатни модань участканьке алашаньконди якаманкса-шяяманкса, и тейнек аш кода сявомс арендас дополнительнай участка, штоба виияфнемс бизнесоньконь, примсемс турист лия региоттнень эзда. Тячи тейне надияфтсть пяшкодемс прябаланьконь».
Сафоль мяльс ётафнемс тяфтама васедематнень весть кварталти.
Мордовия Республикань Оцюнять пресс-службац