14 сентябрьста Мордовиянь Оцюнять аф лама пингс тевонзон тиендисна Артём Здунов васетькшнесь Мордовиять эзда «iВолга” Приволжскяй федеральнай округонь форумонь инь отькорь участникнень мархта. Активисттне азондсть региононь вятити форумса улемаснон и проекттнень-сяськихнень колга.
Тядде региононьконь эзда форумть покодемаса ульсть 249 ломань. Сон ётась 7 тематическяй сменас коре, конатнень ёткса ульсть бизнессь, наукась и технологиятне, эрямань вастсь, студенчествань лидерхне и лия ширет.
Республикань Оцюнять аф лама пингс тевонзон тиендисна сюконясь од ломаттненди покодеманкса и макссь оцю питне синь сатфксснонды.
Грантовай конкурснень коряс Мордовиять эзда сяськикс арасть Н.П.Огарёвонь лемса МГУ-нь аспирантсь Олег Лияскин «Термоконтейнеры с вакуумной изоляцией» разработканц мархта, а стане жа Елена Дерябина «Фото=искусство» проектонц мархта. Тя проекттнень ширесна ули киртьф. Стане жа «Наука и технологии» сменань рейтингонь лидеркс арась республикать представителец Евгений Дубровин.
Термоконтейнерхнень анокламаснонды од учёнайть кошардозе коронавирусонь пандемиясь. Опытнай образецнень пяк оцю термоизоляциясна. Проектсь патентовандаф ни. Разработкать колга информациясь пачфтеви региононь Минпрому.
Студентсь Роман Ковалёв пшкядсь региононь вятити эняльдема мархта пуроптомс грантовай конкурс школьникненди. И азондсь эсь проектонц колга, конань ётафтозе эряфс тяда инголе.
Артём Здунов мярьгсь арьсемс школьникненди грантовай конкурсть пуроптоманц коряс МР-нь Спортонь и од ломанень политикань министерствати.
Мордовия Республикань Оцюнять пресс-службац