Артём Здунов отмечазе, што мзярс республикаса сярядихнень мархта ситуациясь стабильнай, суткаста урмаськоткшни 40 ломань, 260 пациентсь пчксихть ковиднай госпитальса.
«Башка мяль тяниень пингть эряви шарфнемс вакцинациянь кизефксненди, штоба поладомс иммунизациять, кирдемок мяльса малаткшни кизонь кофне и шабатнень шумбрашинь кемоксни ваймосемаснон ётафтоманц. Лагерьхнень эса кармайхть шовордаф коллективт, марс пуромихть 100-нь и сяда лама ломанень», - мярьгсь региононь руководительсь.
Мордовиянь Правительствать Председателенц заместителец Галина Лотванов отмечазе, што коллективнай иммунитетсь республикаса коль кири. «Тяни сон арась 48,5 процент, хуш нинге ковда тяда инголе ульсь 60 лама процент. Васендакиге эняльдян шарфтомс мяль ревакцинацияти – регионца тяни эсь пингстонза ревакцинация ашесть тие 84 тёжянь ломанць», - китькстазе сон.
Сяс МР-нь здравоохранениянь министрсь Олег Маркин мярьгсь, што тя ситуациясь может вятемс коронавирусть ламода келемгодоманцты. Сон пшкядсь предприятиянь и профильнай министерствань руководительхненди эняльдема мархта пяшкотькшнемс работникснон ревакцинациянь пингснон .
Республикаса шабатнень и подросткатнень пцтай 90 процентсна вакцинировандафт коронавирусть эзда. Тяни миньцонк ули идень вакцинань 1320 доза, иммунизациясь эряви мольфтемс сяда тов.
ПЦР-тестированиять, вакцинациять и ревакцинациять мярькф эрьгавста мольфтемс сятнень ёткса, кит улихть заняфт ЕГЭ-тнень и ОГЭ-тнень ётафтомаса, а стане жа кит работайхть иттнень шумбрашиснон кемокснеманкса лагерьса.
Стане жа ванфоль кизефкссь, кона сотф общественнай пространстватнень обработкаснон мархта – паркнень, лесопаркнень и ваймосемань базатнень.
Мордовия Республикань Оцюнять пресс-службац