Региональнай Правительствать Председателенц заместителец Галина Лотванова азозе, што мекольдень недялять Мордовиянь 13 районца кассь сярядихнень лувкссна. Теньгушевскяй, Атяшевскяй, Большеигнатовскяй, Лямбирскяй райоттнень эса и Саранскяйса сярядихнень лувксснон коряс показательсь ламода сяда оцю средняйста республикать коряс.
Мордовиянь здравоохранениянь министрсь Олег Маркин китькстазе, што няевиста кассь сталмось амбулаторнай звеноть лангс, эряви дополнительнай автотранспорт участковай врачненди.
Коронавируснай инфекциять инголяманкса основной меракс ащи населениять иммунизацияц и тестированиять эсь пингстонза ётафнемац.
Тяниень пингть оцю населениять ревакцинациянц коряс планць пяшкотьф 75,3 процентта.
Работать виияфнеманкса мярьгондеви нолямс тевс мобильнай комплекснень, ладямс марстонь тевонь вятема работань максыхнень мархта, ётафтомс информационнай работа населениять ёткса.
Тонафнемань од кизоть карша коронавируснай инфекциять лангс тестирования ётайхть образованиянь рааботникне, а стане жа социальнай араламань и лия сферань сотрудникне, конат работайхть лама ломань мархта.
Ковидть мархта ситуациять сталгодоманкса Россиянь кой-кона региоттне одукс сувафтозь тевс масочнай режимть. Мордовияса тя мерась мзярс канни рекомендательнай характер.
Мордовиянь Правительствать Председателец Владимир Сидоров макссь поручения эреклафтомс лама ломанень пуропни васттнень дезинфекцияснон.
Работань нинге фкя эрявикс ширесь – крхка диспансеризациясна ся ломаттнень, конат сярядсть коронавируснай инфекцияса. Кизоть ушедомста диспансеризация ётасть Мордовиянь 44 тёжяньда лама эряйсь, тя 56 процент кизоньберьфонь планть эзда.
Аф сяда ёмла задачакс ащи гриппть каршес вакцинациять ётафтомац. Тяниень пингть прививкат тифт 73 тёжянь ломанти, тяконь лувксса 944 шабати. Максф поручения ётафтомс гриппть каршес иммунизация промышленнай и велень хозяйствань предприятиянь сотрудникнень ёткса.