Кода пачфтезе вице-премьерсь Галина Лотванова, эпидситуациясь республикаса кирдеви контроль ала. Мекольдень сутканьберьф урмаськодсь 19 ломань, стационарса пчкси 160 сяряди.
Тяка пингть китькстафоль, што ковидсь ашезь ту, сяс ряцок масочнай режимть лоткафтоманц мархта ломаттненди мярьгондеви нолямс тевс араламань индивидуальнай средстватнень общественнай транспортса и лама ломанень пуропни васттнень эса. Общепитонь предприятиятненди мярьгондеви ванфтомс маскань каннемань режимть сотрудникнень ёткса, конат обслуживандакшнесазь клиенттнень.
Пчкафнемань учреждениянь главнай врачнень и муниципальнай райононь оцюнятнень инголе путф задача поладомс вакцинациять и ревакцинациять, башка мяль шарфтома 60 кизоса и сяда сире ломаттнень лангс. Мордовиянь Оцюнясь Артём Здунов китькстазе, што важна нолямс тевс тя возможностть коллективнай иммунитетть ванфтоманкса и сяда товга ванфнемс пря, пяшкотькшнемок противоэпидемическяй мератнень.
Стане жа оперштабть пингста примафоль решения республикаса выпускной илатнень ётафтомаснон колга – синь кармайхть 25 июньцта.
Мордовия Республикань Оцюнять пресс-службац